महत्वाच्या बातम्या

राज्य निवडणुक आयोगाचे संकेत : सप्टेंबर किंवा ऑक्टोबर महिन्यात स्थानिक स्वराज्य संस्थेच्या निवणुक लागण्याची शक्यता

- राज्य निवडणुक आयोगाच्या राजपत्रात निवडणुकीचा उल्लेख

- भावी नगरसेवकांकडून ते पत्रक व्हायरल

विदर्भ न्यूज एक्सप्रेस

वृत्तसंस्था / मुंबई : निवडणुका जाहीर होण्याची आतुरतेने वाट पाहणाऱ्या भावी नगरसेवकांसाठी राज्य निवडणूक आयोगाने खुशखबर दिली असून राज्यात सप्टेंबर - ऑक्टोबर दरम्यान निवडणुका घेण्याची संकेत दिले आहे. निवडणूक आयोगाने दिलेल्या परिपत्रकात स्थानिक स्वराज्य संस्थेच्या निवडणुका लागण्याची शक्यता असल्यामुळे हे परिपत्रक आजी माजी नगरसेवक सोशल मिडीयावर मोठ्या प्रमाणात व्हायरल करीत आहे.

निवडणूक आयोगाने ५ जुलै रोजी या संदर्भात परिपत्रक जारी केले आहे. यामध्ये राज्य विधानसभेच्या मतदार याद्या सर्व स्थानिक स्वराज्य संस्थांच्या निवडणुकांसाठी वापरण्यासंदर्भात उल्लेख करण्यात आला आहे. १ जुलै २०२३ रोजी अस्तित्वात असलेल्या महाराष्ट्र विधानसभेच्या मतदार याद्या सप्टेंबर २०२३ ते ऑक्टोबर २०२३ या कालावधीत होणाऱ्या महानगर पालिका, नगरपरिषदा, नगरपंचायती, जिल्हा परिषदा, पंचायत समित्या, ग्रामपंचायतीच्या सार्वत्रिक किंवा पोटनिवडणुकीसाठी मतदार याद्या तयार करण्यासाठी वापरण्यात येतील, असे अधिसूचित करण्यात येत आहे, असे या अधिसूचनेमध्ये राज्य निवडणूक आयोगाने नमूद केले आहे.