महत्वाच्या बातम्या

भेसळ आढळल्यास करा टोल फ्री क्रमांकावर तक्रार

- तक्रारीसाठी थेट डायल करा 18884636332

- अन्न व औषध प्रशासन विभागाचे आवाहन

विदर्भ न्यूज एक्सप्रेस
प्रतिनिधी / भंडारा : 5 जुलै २०२३ अन्नपदार्थामध्ये होणाऱ्या भेसळीबाबत अन्न व औषध प्रशासन सजग असून भेसळीबाबत काही तक्रार असल्यास नागरिकांना व ग्राहकांना १८८८४६३६३३२ या टोल फ्री क्रमांकावर तक्रार नोंदवता येईल. याखेरीज अन्न व औषध प्रशासन विभागाशी संबंधित अन्न सुरक्षा व मानदे प्राधिकरण नवी दिल्ली यांची वेबसाईट फॉस्कॉस किंवा एफएसएसआईवर देखील Grivences या Hyper Link द्वारे अन्नामध्ये भेसाळ अथवा गुणवतेबाबत तक्रार असल्यास सहायक आयुक्त अन्न व औषध प्रशासन विभागाशी संपर्क साधावा.

या सर्व सुविधा ग्राहकांना उपलब्ध करुन देण्यात आलेली आहे. तरी सदर पोर्टलवर या ॲप वर ग्राहकांनी लॉगीन करावे व त्यानंतर आपली सरकार व तक्रारीच्या अनुषंगाने फोटो असल्यास सदर तक्रार व संबंधिताचा तपशिल नमूद करणे आवश्यक आहे. तसेच तक्रारीची दखल ही त्वरीत घेतल्या जातील व संबंधित कार्यालय मार्फत तक्रारीवर कारवाई केली जाईल. त्यामुळे सर्व सामान्य ग्राहाकांची फसवणूक होण्याची शक्यता कमी होते तरी सर्व ग्राहकांनी याचा फायदा घ्यावा तसेच अन्न व औषध प्रशासन, मुंबई यांचा टोल फ्री क्रमांक १८८८४६३६३३२ या क्रमांकावर तक्रार असल्यास नोंदवावी असे सहायक आयुक्त, अन्न व औषध प्रशासन विभाग यांनी कळविले आहे.

सेच नगर परिषद भंडारा येथे ७ जुलै २०२३ सुरक्षा व मानदे कायदा २००६ अंतर्गत आवश्यक असलेल्या परवाना नोंदणी शिबीराचे आयोजन करण्यात आले आहे. तरी या शिबीरामध्ये हातगाडी विक्रेता व फळे विक्रेता यांना इतर अन्न व्यवसायिकांना देखील याची परवाना नोंदणी करिता अर्ज सादर करता येईल. व या नोंदणी करीता आधार कार्ड, छायाचित्र प्रत, तसेच पासपोर्ट फोटोची आवश्यकता आहे. तरी सर्व परवाना नोंदणी कागदपत्राबाबत शंका असल्यास अन्न व औषध प्रशासन विभागाच्या कार्यालयाशी दुरध्वनी क्रमांक ०७१८४-२५२४६१ यावर संपर्क साधावा असे आवाहन सहायक आयुक्त, अन्न व औषध प्रशासन विभागानी कळविले आहे.