चांदाळा मार्गावर गळफास लावलेल्या स्थितीत आढळले युवकाचे प्रेत


विदर्भ न्यूज एक्सप्रेस
प्रतिनिधी / गडचिरोली :
शहरापासून काही अंतरावर चांदाळा मार्गावर झाडाला गळफास लावलेल्या स्थितीत युवकाचे प्रेत आढळून आल्याने खळबळ निर्माण झाली आहे. सदर घटना आज २४ जानेवारी रोजी दुपारी २.१५ वाजताच्या सुमारास उघडकीस आली.
चांदाळा मार्गावरून आवागमन करीत असलेल्या काही नागरीकांना युवक गळफास लावलेला आढळून आला. याबाबत गडचिरोली पोलिसांना माहिती देण्यात आली. पोलिसांनी घटनास्थळ गाठून पंचनामा सुरू केला आहे. वृत्त लिहेपर्यंत मृतकाची ओळख समजू शकलेली नाही. घटनास्थळी पोलिस तपास करीत आहेत. तपासाअंती सविस्तर माहिती मिळू शकेल.

 



  Print






News - Gadchiroli | Posted : 2019-01-24






Related Photos