महत्वाच्या बातम्या

डॉ. बाबासाहेब आंबेडकर सामाजिक न्याय भवन गडचिरोली येथे स्पर्धा परीक्षा मार्गदर्शन कार्यशाळा संपन्न

विदर्भ न्यूज एक्सप्रेस

प्रतिनिधी / गडचिरोली : जिल्हा जात प्रमाणपत्र पडताळणी समिती, गडचिरोली व बार्टी, पुणे अंतर्गत स्पर्धा परीक्षा (आय.बी.पी.एस. व पोलीस) भरतीपूर्व प्रशिक्षण केंद्र, गडचिरोली भारतीय सामाजिक बहुउदेय विकास संस्था, गडचिरोली व्दारा संचालीत यांच्या सयुक्त विद्यमाने ०६ फेब्रुवारी २०२३ ला सकाळी 11.30 वाजता डॉ. बाबासाहेब आंबेडकर सामाजिक न्याय भवन, गडचिरोली येथे स्पर्धा परीक्षा मार्गदर्शन कार्यशाळा घेण्यात आली.

सदर कार्यशाळेचे उद्घाटन डॉ. अनिल हिरेखन कुलसचिव, गोंडवाना विद्यापीठ, गडचिरोली, कार्यक्रमाचे अध्यक्ष देवसुदन धारगावे उपायुक्त, जिल्हा जात प्रमाणपत्र पडताळणी समिती, गडचिरोली प्रमुख मार्गशर्दक दयानंद मेश्राम माजी सदस्य महाराष्ट्र लोकसेवा आयोग मुंबई, संजय नाथे प्रबंध संपादक रोजगार नौकरी संदर्भ व नाथे पब्लीकेशन प्रा. लि. नागपूर, माणिक चव्हाण उपमुख्य कार्यकारी अधिकारी जिल्हा परिषद गडचिराली तसेच श्रीमती किनाके पोलीस निरीक्षक जिल्हा जात प्रमाणपत्र पडताळणी समिती गडचिरोली यांनी प्रामुख्याने मार्गदर्शन व विद्यार्थ्यांच्या विविध स्पर्धा परीक्षांबाबतच्या शंकांचे निरसन केले.

सदर कार्यशाळेत जिल्हयातील स्पर्धा परीक्षांचा अभ्यास करणारे विद्यार्थी मोठया संख्येने उपस्थित होते.