एटीएममध्ये नवे सॉफ्टवेअर , एटीएम कार्डचे क्लोनिंग थांबणार


विदर्भ न्यूज एक्सप्रेस 
प्रतिनिधी / गडचिरोली
: गेल्या काही दिवसांपासून एटीएम मशिनमध्ये कार्ड टाकल्यानंतर ते अडकल्यास अनेकांची चिंता वाढत आहे. कार्ड अडकले वा ब्लॉक झाल्याची भीती ग्राहकांकडून व्यक्त करण्यात येत आहे. मात्र घाबरण्याची गरज नसून   सर्व एटीएममध्ये नवे सॉफ्टवेअर बसविण्यात येत आहे. त्यामुळे एटीएम कार्डचे क्लोनिंग थांबणार असून, मोठ्या प्रमाणात सुरू असलेली आर्थिक फसवणुकीची प्रकरणे नियंत्रणात येणार आहेत. 
नवीन सॉफ्टवेअर अपलोड करण्यासाठी प्रत्येक मशिनकाठी पाच हजार रुपये खर्च असल्याची माहिती आयटी तज्ज्ञांनी एका वृत्तपत्राला दिली आहे.  बहुतांश एटीएममध्ये नवीन सॉफ्टवेअर अपलोड करण्यात आले आहे. एटीएम कार्ड वापरताना ते स्वाइप करून परत घेण्याची सवय सर्वांना लागलेली आहे. त्यामुळे गेल्या महिन्याभरापासून एटीएम मशिनमध्ये कार्ड टाकल्यानंतर ते अडकल्यास अनेकांची चिंता वाढत आहे. कार्ड अडकले वा ब्लॉक झाल्याची भीती ग्राहकांकडून व्यक्त करण्यात येत आहे. 
या सॉफ्टवेअरनुसार, कार्ड पूर्णत: मशिनच्या आत जात नाही तसेच ते स्वाइप करून बाहेरही काढता येत नाही. रिझर्व्ह बँकेच्या आदेशानुसार, मॅग्नेटिक स्ट्रिप असलेले सर्व कार्ड्स आता ब्लॉक केले जातील. त्यांची जागा ईएमव्ही (युरोपे, मास्टरकार्ड आणि व्हिजा) चिप असलेल्या नव्या कार्डने घेतली आहे. नवीन चिप असलेले कार्ड स्कॅन करण्यासाठी ते पूर्णत: आत घालण्याची गरज नाही. चिप स्कॅन करून आर्थिक व्यवहार करण्यात येतात. खरेदी-विक्रीच्या व्यवहारासाठी वापरण्यात येणाऱ्या पीओस मशिनमध्येही नवीन कार्ड स्वाइप करण्यात येत नाही. तर चिप असलेला भाग स्कॅन करण्यात येतो. ईएमव्ही चिप असलेले कार्ड जास्तीत जास्त सुरक्षित मानले जाते. जुन्या मॅग्नेटिक स्ट्रिप कार्डमध्ये चोरट्यांना बनावट मॅग्नेटिक स्ट्रिप तयार करता यायची. त्याला क्लोनिंग म्हणतात. याउलट ईएमव्ही कार्ड्सची बनावट प्रत तयार करता येत नाही. स्कीमिंग पद्धतीने डाटा चोरणाऱ्यांनाही यामुळे आळा बसतो. समजा, तुमचे कार्ड हरवले तरी त्याचा वापर इतर कोणालाही करता येत नाही. जर तुम्हाला ईएमव्ही तंत्रज्ञान असलेले कार्ड ओळखायचे असेल तर ते फार सोपे आहे. या प्रकारच्या कार्डच्या डाव्या बाजूस सोनेरी रंगातील चिप दिसून येते. 
नवीन कार्ड आता ग्राहकांना उपलब्ध झाले आहेत. त्यानुसार सर्व एटीएम मशिनमध्ये कार्ड स्कॅन करण्यासाठी नवीन सॉफ्टवेअर अपलोड करण्यात आले आहे. त्यामुळे कॅश हातात येण्याच्या एक ते दोन सेकंदांपूर्वी एटीएम कार्ड ग्राहकाच्या हातात येत आहे. तेव्हा एटीएम कार्ड अडकल्यास चिंताग्रस्त न होता सुरळीतपणे पुढील प्रक्रिया पूर्ण करण्याचे आवाहन बँकद्वारे करण्यात येत आहे. 



  Print






News - Gadchiroli | Posted : 2019-02-05






Related Photos