महत्वाच्या बातम्या

तेंदूपाने तोडताना नीलगाईची धडक : महिला जखमी

विदर्भ न्यूज एक्सप्रेस

प्रतिनिधी / गडचिरोली : तेंदूपाने तोडण्यासाठी जंगलात गेलेल्या महिलेला नीलगायीने धडक देऊन तिला जखमी केले. सदर घटना गुरुवारी सोनेरांगी नियत क्षेत्रातील कक्ष क्रमांक ३०९ मध्ये घडली.

माहितीनुसार रत्नमाला गोपाल गेडाम, रा. मोहझरी असे जखमी महिलेचे नाव आहे. मोहझरी येथील गोपाल गेडाम व त्यांची पत्नी रत्नमाला हे दोघेही गुरुवारी सकाळी ७:०० वाजताच्या सुमारास सोनेरांगी नियतक्षेत्रात तेंदूपाने तोडण्यासाठी गेले होते. दरम्यान पाने तोडत असताना अचानक नीलगायींचा कळप त्यांच्या दिशेने सुसाट धावत आला. गोपाल गेडाम हे कळपाला पाहून बाजूला झाले. मात्र, पत्नी रत्नमाला दुसऱ्या बाजूला असल्याने एका नीलगायीने त्यांना जोरदार धडक दिली. यात त्याखाली पडून बेशुद्ध झाल्या. गेडाम यांनी पत्नीला पाणी पाजून सोनेरांगी-देलनवाडी मार्गावर आणले. त्यानंतर एका दुचाकीवर बसवून देलनवाडी प्राथमिक आरोग्य केंद्रात आणले. घटनेची माहिती मिळताच क्षेत्र सहायकांनी पंचनामा केला.