कठाणी नदीच्या पुलावरून ऑटो नदीत कोसळला, चालकासह प्रवासी जखमी


विदर्भ न्यूज एक्सप्रेस
प्रतिनिधी / गडचिरोली :
आरमोरी मार्गावरील कठाणी नदीच्या जुन्या पुलावरून प्रवासी वाहतूक करणारा ऑटो कोसळून झालेल्या अपघातात चालकासह काही प्रवासी जखमी झाले आहेत. सदर घटना आज ३१ जानेवारी रोजी सकाळी ८ वाजताच्या सुमारास घडली.
एमएच ३४ डी ५९१६ क्रमांकाचा ऑटो प्रवासी घेवून आरमोरी मार्गाने गडचिरोलीकडे येत होता. दरम्यान कठाणी नदीच्या पुलावर आल्यानंतर चालकाचे आॅटोवरील नियंत्रण सुटले. यामुळे ऑटो  थेट कठाणी नदीत कोसळला. यामध्ये चालकासह ऑटोतील प्रवासी जखमी झाले आहेत. या घटनेतील जखमींची नावे वृत्त लिहिपर्यंत कळू शकले नाही. अपघाताची माहिती मिळताच गडचिरोली पोलिसांनी तातडीने घटनास्थळ गाठले. जखमींना रूग्णालयात हलविण्यात आले आहे. अधिक तपास गडचिरोली पोलिस करीत आहेत. अपघातानंतर मोठ्या प्रमाणात वाहतूक खोळंबली होती. पोलिसांनी वाहतूक सुरळीत केली. कठाणी नदीचा जुना पुल अत्यंत जिर्ण झाला असून उंची कमी आहे. यामुळे नवीन पुलाची निर्मिती करण्यात आली आहे. नवीन पुलावरून तातडीने वाहतूक सुरू करण्याची मागणी होत आहे.

 



  Print






News - Gadchiroli | Posted : 2019-01-31






Related Photos