आमदार जयंत पाटील यांच्यासह रायगड जिल्ह्यातील चार आमदारांवर प्रतिबंधात्मक कारवाई


वृत्तसंस्था / रायगड :  विधानसभा निवडणूकीच्या पार्श्वभूमीवर रायगड जिल्ह्यातील चार आमदारांवर फौजदारी प्रक्रिया संहिता कलम १४९ प्रमाणे प्रतिबंधात्मक कारवाई करण्यात आली आहे. चार आमदारांसह १६४६ जणांवर ही कारवाई पोलिसांनी केली आहे. आमदार जयंत पाटील, पंडित पाटील, धैर्यशील पाटील आणि अनिकेत तटकरे यांना याबाबत पोलिसांनी नोटीस पाठवली आहे. तर ३७ जणांच्या हद्दपारीचे प्रस्ताव आहेत.
निवडणूक काळात कोणताही अनुचित प्रकार घडू नये यासाठी जिल्हा पोलीस प्रशासन सज्ज झाले आहे. निवडणूक काळात गुन्हे असलेल्या व्यक्तींवर प्रतिबंधात्मक कारवाई केली जाते. जिल्ह्यात १६४६ जणांवर पोलिसांनी कारवाई केली आहे. प्रतिबंधक कारवाई केलेल्या व्यक्तींना पोलिसांकडून नोटीस बजावण्यात आली आहे. निवडणूक काळात नोटीस बजावलेल्या व्यक्तींनी कायद्याचे पालन केले नाही तर त्यांच्यावर १८८ नुसार कायदेशीर कारवाई केली जाते. लोकसभा निवडणुकीत मतमोजणी वेळी पारपत्र नसताना अनधिकृतपणे घुसून आमदार जयंत पाटील, पंडित पाटील यांनी पत्रकाराला मारहाण केली होती. यावेळी पेणचे आमदार धैर्यशील पाटील, विधानपरिषद सदस्य अनिकेत तटकरे हे सुद्धा उपस्थित होते. याबाबत अलिबाग पोलीस ठाण्यात गुन्हा दाखल असून न्यायालयात आरोपपत्र दाखल करण्यात आले आहे. 



  Print






News - Rajy | Posted : 2019-10-07






Related Photos