महत्वाच्या बातम्या

मतदारयादीत नाव असल्याबाबत खात्री करण्याचे जिल्हाधिकारी विपीन इटनकर यांचे आवाहन

- ८० वर्षावरील १,२७,४१० मतदारांचे सर्वेक्षण

- अस्पष्ट फोटो असलेल्या ६६,२८१ मतदारांचे रेकॉर्ड तपासणार

विदर्भ न्यूज एक्सप्रेस

प्रतिनिधी / नागपूर : जिल्ह्यातील मतदार यादीचे शुध्दीकरणाचे काम आगामी लोकसभा व विधानसभा, महानगर पालिका निवडणुकीच्या अनुषंगाने करण्यात येत असून जिल्ह्यातील सर्व मतदारांना व सर्व राजकीय पक्षांच्या नेत्यांना आपले नाव मतदार यादीत असल्याबाबत खात्री करण्याचे आवाहन जिल्हाधिकारी तथा जिल्हा निवडणूक अधिकारी डॉ. विपीन इटनकर यांनी केले आहे. ज्या मतदाराचे नाव मतदार यादीत आढळून आलेले नसेल अशा मतदारांचे नाव नियमानुसार आवश्यक कागदपत्रासह नमुना क्र. 6 मध्ये भरुन मतदार यादीत समाविष्ट करण्याबाबच्या सूचना त्यांनी दिलेल्या आहेत.

आगामी लोकसभा व विधानसभा निवडणुकीच्या अनुषंगाने कोणताही मतदार मतदानापासून वंचीत राहू नये तसेच मतदारतील मृत, स्थानांतरीत, दुय्यम मतदाराचे नाव वगळणी करून अचूक मतदार यादी तयार करावयाची आहे. तसेच नागपूर २०२३ या अर्हता दिनांकावर आधारीत मतदार यादीच्या संक्षिप्त पुनरिक्षणाच्या कार्यक्रमांतर्गत नवीन मतदारांची नोंदणी करण्यात येत असून मतदार, दुबार मतदार व जे मतदार त्यांचे पत्त्यावर आढळत नाही अशा मतदारांचे नाव मतदार कमी करुन मतदार यादीतील त्रृट्या दूर करण्यात येणार आहे.

जानेवारी २०२२३ रोजी प्रसिद्ध अंतिम मतदार यादीतील जिल्हयातील ८० वर्षावरील मतदारांच्या तपासणीबाबत सूचना प्राप्त असून जिल्हृयातील ८०+ वय असणाऱ्या एकूण १,२७,४१० मतदारांचे बिएलओव्दारा सर्वेक्षण करण्याचा कार्यक्रम राबविण्यात येत आहे. त्यात जे मतदार मृत आहे व जे मतदार त्यांच्या नमूद पत्त्यावर राहत नाही त्यांचे मतदार यादीमधून नाव वगळण्याची कार्यवाही करण्यात येत आहे. तसेच ज्या मतदारांचे वय मतदार यादीमध्ये चुकीने त्यांचे मूळ वयापेक्षा जास्त टाकण्यात आलेले आहे अशा मतदाराकडून नोंदीची दुरुस्तीकरीता नमूना भरुन दुरुस्ती करुन घेण्यात येत आहे.

मतदार यादीतील अस्पष्ट फोटो (Blurr photo ) असलेल्या६६,२८१ मतदारांचे रेकॉर्ड शोधून कार्यवाही करीता उपलब्ध करुन देण्यात आले आहे. त्यानूसार नागपूर जिल्हयातील बिएलओव्दारा या मतदारांची चौकशी करून त्यांचे स्पष्ट व योग्य फोटो गोळा करून तसेच त्यांच्या नावाच्या नोंदीमध्ये इतर चुका नसल्याची खात्री करून मतदाराकडून नमुना क्र. 8 भरुन घेण्यात येत असून EROnet या प्रणालीवर त्यांच्या फोटोतील दुरुस्ती व इतर दुरुस्तीची नोंद करण्यात येत आहे.

मुख्य निवडणूक अधिकारी, मुंबई यांचे कार्यालयाकडून नागपूर जिल्हयात एकूण १,००,०६५ (PSE) सारखे दिसणारे फोटो असलेल्या मतदारांचे रेकार्ड उपलब्ध करून देण्यात आलेले आहे. याबाबतही बिएलओव्दारे प्रत्यक्ष भेटी देऊन तपासणी सुरु असून दुय्यम (Duplicate) आढळून आलेल्या मतदारांचा नमुना क्र. 7 भरुन व जे मतदार पत्त्यावर आढळून आले नाही, त्यांचा पंचनामा तयार करुन नावाची वगळणी करण्यात येत आहे.