महत्वाच्या बातम्या

 केंद्र कोरची येथे चौथी शिक्षण परिषद संपन्न


विदर्भ न्युज एक्सप्रेस 

तालुका प्रतिनिधी / कोरची : अंतर्गत चौथी शिक्षण परिषद वनश्री कला व विज्ञान महाविद्यालय कोरची येथील भव्य सभागृहात पार पडली. शिक्षण परिषदेच्या उद्घाटन प्रसंगी अध्यक्ष म्हणून महाविद्यालयाचे प्राचार्य डॉ.विनोद चहारे तर उद्घाटक म्हणून प्राध्यापक रोटके, विशेष अतिथी म्हणून हेमराज सुकारे मुख्याध्यापक नांदळी, अरविंद टेंभूरकर मुख्याध्यापक कोरची आदी मान्यवर उपस्थित होते.परिषदेचे आयोजक तथा केंद्रप्रमुख हिराजी रामटेके यांच्या उत्कृष्ट नियोजनात चौथी शिक्षण परिषद पार पडली. परिषदेच्या सुरुवातीला कोरची शाळेतील शिक्षकांनी सुंदर कृतियुक्त गितासह उत्कृष्ट परिपाठ सादर करून शैक्षणिक वातावरण निर्मिती केली. त्यानंतर नाविन्यपूर्ण अध्यापनशास्त्र दिग्दर्शन सत्र व आंतरक्रिया उपक्रमांतर्गत एस.एस.आंभोने शासकीय आश्रशाळा कोरची, वैशाली वानखेडे जि.प शाळा साल्हे नं.१, वसंत गुरणुले,पारबताबाई विद्यालय कोरची, प्रा.महेश बनसोडे वनश्री महाविद्यालय कोरची यांनी शैक्षणिक साहित्याद्वारे कृतीयुक्त नमुना पाठाचे उत्कृष्ट सादरीकरण केले. नंतर तिन्ही फुलोरा सुलभक यांनी तीनही टप्प्यातील  फुलोरा शाळेतील शिक्षकांना मार्गदर्शन करुन आढावा घेतला. दुपारच्या सत्रात प्रामुख्याने संपूर्ण वेळ उपस्थित राहून कोरची पंचायत समितीचे गटशिक्षणाधिकारी मा.यशवंत टेंभूर्णे यांनी सर्व शाळा प्रारंभिक मुक्त करण्यासाठी अमूल्य मार्गदर्शन केले. दरम्यान केंद्रप्रमुख यांनी केंद्रातील विविध उपक्रमाचा आढावा घेतला. तर निरीक्षक म्हणून गटसाधन केंद्रातील विषय तज्ञ राकेश मोहूर्ले व सांगोळे उपस्थित होते. याप्रसंगी संचालन विषय शिक्षक नरेश रामटेके यांनी तर आभार शिक्षिका सुलभा लांडगे यांनी केलं. परिषद यशस्वीकरण्याकरिता वनश्री महाविद्यालयातील सर्व कर्मचारी वृंद तसेच जितेंद्र साहाळा, चंद्रशेखर अंबादे, हेमलता तितिरमारे, कांता साखरे, मारोती अंबादे, प्रमोदींनी काटेंगे, आरती चांदेकर, त्रिवेणी गायकवाड, शशिकला काटेंगे, रोशनी दाते, चंद्रप्रकाश बिसेन, अशोक कोरेटी, शाम जमकातन यांनी मोलाचे सहकार्य केले.





  Print






News - Gadchiroli




Related Photos