चला सोबत वाचूया कार्यक्रमाला डायटचे अधिव्याख्याते पुनित मातकर यांची उपस्थिती
विदर्भ न्यूज एक्सप्रेस
प्रतिनिधी / गडचिरोली : स्वामी विवेकानंद ज्युनियर कॉलेज गडचिरोली व ग्रीनवूड स्कूल यांच्या तर्फे चला सोबत वाचूया च्या आजच्या भागात जिल्हा शिक्षण व प्रशिक्षण संस्था (डायट ) गडचिरोली चे अधिव्याख्याते पुनित मातकर हे उपस्थित होते. त्यांनी आज त्यांनी स्वतः लिहीलेली कईता ही कथा वाचली. आपल्याला मनापासून आवडणारी गोष्ट करायला खूप धडपड आणि संघर्ष करावा लागतो पण त्याचा समाजासाठी ऊपयोग होत, असेल तर तो संघर्ष केलाच पाहिजे आणि हे करतांना हळुहळु सगळ्यांचे सहकार्यही मिळत जाते. हा संदेश देणारी कथा सर्वांना खूप आवडली.
विद्यार्थ्यांशी हितगूज साधतांना त्यांनी सांगितले की एका लहानशा खेड्यात जिल्हा परिषदेच्या शाळेत शिकूनही आपण एम पी एस सी पास झालो ते फक्त वाचनाच्या सवयीमुळे. म्हणुन चांगली पुस्तके वाचण्याचा छंद जोपासा असा सल्ला त्यांनी विद्यार्थ्यांना दिला.
कार्यक्रमाच्या सुरवातीला राष्ट्रपिता महात्मा गांधी आणि लाल बहादूर शास्त्री यांच्या प्रतिमांना माल्यार्पण करून श्रद्धांजली अर्पित करण्यात आली. त्यानंतर आयोजन समिती तर्फे संयोजिका प्रगती गुजर व कॉलेजची विद्यार्थिनी पूर्वा वासेकर हिने अतिथींचे स्वागत केले.
कार्यक्रमाला स्वामी विवेकानंद ज्युनिअर कॉलेज चे संस्थापक सतीश चिचघरे, प्राचार्या संगीता अतकमवार व ग्रीनवूड स्कूल च्या शिक्षिका सारिका घोटेकर व शुभांगी पांडे उपस्थित होते. कार्यक्रम कार्यक्रमाचे सूत्रसंचालन कुमार विशाल चौधरी याने केले तर आभार प्रदर्शन रागिणी कुंभारे हिने केले.
News - Gadchiroli