Petrol Price
भारतरत्न डॉ. बाबासाहेब आंबेडकर स्वाधार योजनेसाठी १५ सप्टेंबरपर्यंत अर्ज करण्याचे समाज कल्याण विभागाचे आवाहन
विदर्भ न्यूज एक्सप्रेस
प्रतिनिधी / नागपूर : अनुसूचित जाती व नवबौद्ध प्रवर्गातील ज्या विद्यार्थ्यांना शासकीय वसतिगृहात प्रवेश मिळालेला नाही. अशा विद्यार्थ्यांना मॅट्रिकोत्तर शिक्षण घेता यावे म्हणून भोजन, निवास, शैक्षणिक साहित्य, निर्वाह भत्ता आदी आवश्यक सुविधा विद्यार्थ्यांना स्वत: उपलब्ध करुन घेण्यासाठी आवश्यक ती रक्कम संबंधित विद्यार्थ्यांच्या आधार संलग्न बँक खात्यामध्ये थेट उपलब्ध करुन देण्यासाठी शासनाने भारतरत्न डॉ.बाबासाहेब आंबेडकर स्वाधार योजना सुरु केली आहे. सदर योजनेसाठी सन २०२६-२७ मधील ऑनलाईन अर्ज विद्यार्थ्यांनी दिनांक १५ सप्टेंबरपर्यंत अर्ज सादर करण्याचे आवाहन समाज कल्याण विभागाने केले आहे.
सदर योजनेचा लाभ केवळ पूर्णवेळ अभ्यासक्रमासाठी लागू राहील. अर्धवेळ अभ्यासक्रमास, दुरस्थ व बहिस्थ अभ्यासक्रम, नोकरीसह करण्यात येणारा एक्झीक्युटीव्ह कोर्ससाठी योजनेचा लाभ देण्यात येणार नाही. भारतरत्न डॉ. बाबासाहेब आंबेडकर स्वाधार योजनेसाठी अनुसूचित जाती प्रवर्गातील तृतीयपंथी पात्र असतील. अधिक माहितीसाठी सहायक आयुक्त, समाज कल्याण कार्यालयाकडे संपर्क साधावा व पात्र विद्यार्थ्यांनी ऑनलाईन अर्ज सादर करुन या योजनेचा लाभ घ्यावा असे आवाहन समाज कल्याण विभागाचे सहाय्यक आयुक्त सुकेशिनी तेलगोटे यांनी केले आहे.
