महत्वाच्या बातम्या

मधमाशापालन योजनेच्या लाभासाठी अर्ज आमंत्रित

विदर्भ न्यूज एक्सप्रेस
प्रतिनिधी / चंद्रपूर : महाराष्ट्र राज्य खादी व ग्रामोद्योग मंडळामार्फत मध केंद्र योजना मधमाशापालन संपूर्ण राज्यात कार्यान्वीत झाली आहे. याकरीता पात्र व्यक्ती कडून/संस्थाकडून अर्ज मागविण्यात येत आहे.

योजनेची वैशिष्टे - मध उद्योगाचे मोफत प्रशिक्षण, साहित्य स्वरुपात ५० टक्के अनुदान व ५० टक्के स्वंगुतवणुक, शासनाच्या हमीभावाने मध खरेदी, विशेष छंद प्रशिक्षणाची सुविधा, मधमाशा संरक्षण व संर्वधनाची जनजागृती.

योजनेतील प्रमुख घटक आणि पात्रता -
१. वैयक्तीक मधपाळ : पात्रता अर्जदार स्वाक्षर असावा, स्वत:ची शेती असल्यास प्राधान्य, 18 वर्षे वर्षापेक्षा जास्त असावे

२. केंद्रचालक प्रगतशिल मधपाळ : व्यक्ती पात्रता किमान १० वी पास, २१ वर्षे वर्षापेक्षा जास्त असावे, व्यक्ती चे नावे किमान किंवा त्या व्यक्ती च्या कुंटूबातील कोणत्याही व्यक्तीच्या नावे किमान १ एकर शेती/जमीन किंवा भाडे तत्वावर घेतलली शेत जमीन तसेच लाभार्थीकडे मधमाशापालन प्रजनन व मध उत्पादनाबाबतीत लोकाना प्रशिक्षण देण्याची क्षमता व सुविधा असावी.

३. केंद्र चालक संस्था पात्रता : संस्था नोंदणीकृत असावी. संस्थेचे नावे अथवा भाडेतत्वावर घेतलेली किमान १ हजार चौ. फुट सुयोग्य ईमारत असावी. संस्थेकडे मधमाशापालन प्रजनन व मध उत्पादनाबाबतीत लोकांना प्रशिक्षण देण्याची क्षमता असलेली सेवा असावी

अटी व शर्ती : लाभार्थी निवड प्रक्रियेनंतर प्रशिक्षणापूर्वी मध व्यवसाय सुरू करण्यासंबंधी मंडळास बंद पत्र लिहून देणे अनिवार्य राहील, मंडळाने निश्चित केलेल्या ठिकाणी प्रशिक्षण घेणे अनिवार्य आहे.

अधिक माहिती करीता संपर्क : जिल्हा ग्रामोद्योग अधिकारी, महाराष्ट्र राज्य खादी व ग्रामोद्योग मंडल, उद्योग भवन, दुसरा माळा, बस स्टॅन्ड समोर, चंद्रपूर. मोबाईल क्रमांक : ९३७३२८७०५७/९३२२७८९२३२ , मध संचालनालय, महाराष्ट्र राज्य खादी व ग्रामोद्योग मंडल, शासकीय बंगला क्रं.७, महाबळेश्वर, जि. सातारा, पिन : ४१२८०४ दुरध्वनी : ०२१६८ - २६८२६४.