महत्वाच्या बातम्या

टीसीओसी कालावधीच्या पार्श्वभूमीवर गडचिरोली पोलीस दलाची मोठी कारवाई

- नक्षल्यांनी पुरून ठेवलेले स्फोटक साहीत्य हस्तगत करण्यात आले.

विदर्भ न्यूज एक्सप्रेस
प्रतिनिधी / गडचिरोली : नक्षलवादी शासनविरोधी विविध घातपाती कारवाया करण्यासाठी विविध प्रकारचे शस्त्र व स्फोटक साहीत्याचा वापर करतात व ते साहीत्य सुरक्षा दलांना धोका पोहचविण्याच्या उद्देशाने गोपनियरित्या जंगल परिसरात जमीनीमध्ये पुरुन ठेवतात. अशा पुरुन ठेवलेल्या साहीत्याचा वापर नक्षलवाद्यांकडून नक्षल सप्ताह तसेच इतर प्रसंगी केला जातो.

१४ फेब्रुवारी २०२३ ला ११.३० वा. च्या दरम्यान उपविभाग धानोरा अंतर्गत येत असलेल्या पोंमके कटेझरी हद्दीमध्ये कटेझरी-चारवाही जंगल परिसरात नक्षलवाद्यांनी पोलीस पथकांना नुकसान पोहचवून मोठा घातपात घडवून आणण्याच्या उद्देशाने मोठ्या प्रमाणात स्फोटके व इतर साहीत्य पुरून ठेवले असल्याच्या खात्रीशीर खचरीच्या आधारे गडचिरोली पोलीस दलाचे जवान व बीडीडीएस पथकाचे जवान नक्षलविरोधी अभियान राबवित असताना जवानांना जंगलात एका संशयित ठिकाणी लपवून ठेवलेले स्फोटक व इतर साहीत्यांचा साठा मिळून आला. मिळून आलेल्या साठ्यामध्ये २ नग जिवित ग्रेनेड, २ नग ग्रेनेड फायर कफ, १८ नग वायर बंडल, ५ ब्लास्टींग स्टिल, प्लॅस्टीक डब्बा (टूल किटसह), ४ नग वायर कटर, ७ नग ग्रेनेड माउंटिंग प्लेट, १ नग लहान लोखंडी आरी, २० नग नक्षण पुस्तके, ७ दु-पीन सॉकेट, १ स्टील डब्बा झाकणी व २ नग प्लॅस्टीक झिल्ली इ. नक्षल साहीत्य हस्तगत करण्यात आले. २ निग ग्रेनेड हे बीडीडीएस पथकाच्या मदतीने अत्यंत सतर्कतेने जागेवर नष्ट करण्यात जाले असून, घटनास्थळावर मिळालेल्या मुद्देमालाचर कायदेशिर कारवाई करण्यात आली आहे. गडचिरोली पोलीस दलाकडून पुढील कारवाई सुरु आहे.

सदर कारवाई पोलीस अधीक्षक नीलोत्पल, अपर पोलीस अधीक्षक (अभियान) अनुज तारे, अपर पोलीस अधीक्षक (प्रशासन) कुमार चिंता व अपर पोलीस अधीक्षक (अहेरी) यतिश देशमुख यांच्या मार्गदर्शनाखाली तसेच उपविभागीय पोलीस अधिकारी स्वप्नील जाधव यांच्या नेतृत्वात पोंमके कटेझरीच्या जवानांनी यशस्वीरित्या पार पाडली असून, पोलीस अधीक्षक नीलोत्पल यांनी अभियानात सहभागी जवानांचे कौतुक केले. तसेच नक्षलविरोधी अभियान आणखी तीव्र करण्याचे संकेत दिले असून, नक्षलवाद्यांनी नक्षलवादाची हिंसक वाट सोडुन आत्मसमर्पण करून सन्मानाने जीवन जगण्याचे आवाहन केले आहे.