आरमोरी पोलिसांनी केला ८ लाख ५० हजार रुपयांचा मुद्देमाल जप्त


विदर्भ न्यूज एक्सप्रेस 
 प्रतिनिधी / ठाणेगाव :
मिळालेल्या गुप्त माहिती च्या आधारे आरमोरी पोलिसांनी वडसा- गडचिरोली मार्गावरील आष्ठा फाटा येथे सापळा रचून दारू तस्करी करणाऱ्या वाहनातून ८ लाख ५० हजार रुपयांचा मुद्देमाल जप्त केला केला आहे. दारूची तस्करी करणाऱ्या एका आरोपीस अटक करण्यात आली असून एक आरोपी पसार  झाला . 
 १२ ऑगस्ट रोजी रात्री १० ते ११ वाजताच्या दरम्यान पो.उ.प.नि. देवेंद्र वरगंटीवार यांना गोपनीय सूत्रांकडून  वडसा येथून गडचिरोली कडे पांढऱ्या रंगाचे वाहन क्रमांक एमएच ४० ए इ १८४८ या वाहनाने मोठ्या प्रमाणात देशी दारूची वाहतूक होत असल्याची माहिती मिळाली.  या माहितीच्या आधारे  पोलीस निरीक्षक महेश पाटील यांच्या मार्गदर्शनाखाली पोलीस उपनिरीक्षक देंवेंद्र वरगंटीवार सोबत पोलीस स्टॉप गौरकार, कागणे, वाकडे यांनी आष्ठा फाटा येथे रस्त्याच्या बाजूला दबा धरून बसले असतांना वडसा कडून गडचिरोलीकडे जाणारी पांढऱ्या रंगाचे वाहन  येतांना दिसली. त्या गाडीस फोकस टॉर्च दाखवून थांबविले असता गाडीचा चालक हा वाहन जागेवर सोडून अंधाराचा व जंगलाचा फायदा घेऊन पळून गेला,  परंतु वाहनात एक इसम मिळून आला, त्यास त्याचे नाव व पत्ता विचारले असता शेख शाहरुख शेख बाबा, रा. संतोष माता वार्ड, बल्लारशाह असे सांगितलं व पळून गेलेला इसम हा संदीप उर्फ बोगा रा. बीटीएस, बल्लारशाह असे सांगितलं, वाहनांची पाहणी केली असता मारुती सुझुकी इंडिगा पांढऱ्या रंगाची एमएच ४० ए ई १८४८ आत पहिले असता एकूण २५  खाकी रंगाच्या खर्ड्याच्या बॉक्स दिसून आले .  त्यापैकी एकाची पाहणी केली असता ९० मिली क्षमतेच्या रॅकेट देशी दारू संत्रा प्रवरा डिस्टिलरी प्रवरानगर कंपनीच्या देशी दारू असून प्रति बॉक्स मध्ये १०० नीपा प्रमाणे एकूण २५०० मग किंमत १ लाख ७५ हजार रुपये व गाडीची किंमत ६ लाख ७५ हजार रुपये असा एकूण ८ लाख ५० हजार रुपयाचा माल  अवैद्यरित्या विना परवाना गडचिरोली जिल्ह्यात दारूबंदी असतांना सुद्धा वाहतूक करतांना मिळून आला. 
प्रोव्हिशन रेड दरम्यान मिळालेले वाहन, आरोपीस पोस्टेला पुढील कारवाईसाठी ताब्यात घेतले. आरोपीवर महाराष्ट्र दारूबंदी अधिनियम कलम ६५(अ),८३ अन्वये  गुन्हा नोंद करून सदर गुन्ह्याचा पुढील तपास पोलीस उप निरीक्षक देवेंद्र वरगंटीवार हे करीत आहे. 

 



  Print






News - Gadchiroli | Posted : 2018-08-16






Related Photos