शिक्षक पात्रता परिक्षेसाठी अर्ज करण्यास २४ एप्रिलपर्यंत मुदतवाढ

विदर्भ न्यूज एक्सप्रेस
प्रतिनिधी / वर्धा : शासनाच्यावतीने महाराष्ट्र राज्य परीक्षा परिषद पुणे मार्फत २१ जुन रोजी महाराष्ट्र शिक्षक पात्रता परीक्षेचे आयोजन करण्यात आले आहे. परीक्षेचे ऑनलाईन अर्ज भरण्यासाठी १६ एप्रिल पर्यंत मुदतवाढ देण्यात आली होती.

परीक्षार्थी, उमेदवारांमार्फत अर्ज भरण्याची मुदत वाढविण्याची मागणी लक्षात घेता २४ एप्रिलपर्यंत ऑनलाईन अर्ज सादर करण्यास मुदतवाढ देण्यात आली आहे, असे प्राथमिक शिक्षणाधिकारी यांनी कळविले आहे.