महत्वाच्या बातम्या

कुलगुरू डॉ. प्रशांत बोकारे यांनी आलापल्ली येथील ग्रामसभा सदस्यांशी साधला संवाद

विदर्भ न्यूज एक्सप्रेस

प्रतिनिधी / गडचिरोली : आलापल्ली येथील ग्रामसभा प्रशिक्षणाला गोंडवाना विद्यापीठाचे कुलगुरू डॉ. प्रशांत बोकारे यांनी नुकतीचभेट देऊन ग्रामसभा सदस्यांशी संवाद साधला व मार्गदर्शन केले. या प्रसंगी एकल प्रशिक्षणाचे समन्वयक प्रा. डॉ. नरेश मडावी, नोडल अधिकारी चेतना लाटकर ,व्यवस्थापक नियाज मुलानी आदी उपस्थित होते. लोकसहभागातूनच ग्रामसभा सक्षमिकरण होऊ शकते.

ग्रामसभा सक्षमिकरण ही एक क्रांती आहे. ही क्रांती यशस्वी करण्याची जबादारी आपल्या सर्वांची आहे. ग्रामसभा सक्षमिकरणात आपल्या सगळ्यांचे मोठे योगदान राहिल आणि त्याची इतिहासात नक्कीच नोंद होईल. असे कुलगुरू डॉ. प्रशांत बोकारे यावेळी म्हणाले.

सामुदायिक वनहक्क असलेल्या ग्रामसभांची क्षमता वाढवून आदिवासी लोकांचे जीवनमान उंचावणे या प्रशिक्षणाचा उद्देश आहे.