Petrol Price
नागपूर विभाग पदवीधर मतदारसंघासाठी बल्लारपुरात ७४ टक्के मतदान : ३८ उमेदवारांचे भवितव्य मतपेटीत बंद
विदर्भ न्यूज एक्सप्रेस
तालुका प्रतिनिधी / बल्लारपूर : नागपूर विभाग पदवीधर मतदारसंघाच्या निवडणुकीत बल्लारपूर येथे आज उत्साहपूर्ण वातावरणात मतदान पार पडले. शहरातील तीन मतदान केंद्रांवर एकूण ७४ टक्क्यांच्या आसपास मतदानाची नोंद झाली. या निवडणुकीत एकूण ३८ उमेदवार आपले राजकीय भवितव्य आजमावत असून, मतदारांनी दिलेला कौल कोणाच्या बाजूने जाणार, याकडे आता सर्वांचे लक्ष लागले आहे.
या निवडणुकीत काँग्रेस, राष्ट्रवादी काँग्रेस (शरदचंद्र पवार गट) आणि शिवसेना (उद्धव बाळासाहेब ठाकरे गट) यांच्या आघाडीकडून अभिजीत गोविंदराव वंजारी निवडणूक लढवत आहेत. तर भाजपप्रणीत युतीकडून सुधाकर कोहळे यांच्यासह अन्य उमेदवार निवडणुकीच्या रिंगणात आहेत. एकूण ३८ उमेदवार निवडणुकीत नशीब आजमावत असल्याने मतदारांचा कौल कोणाच्या बाजूने लागतो, याबाबत राजकीय वर्तुळात उत्सुकता निर्माण झाली आहे.
बल्लारपूर शहरात मतदानासाठी तहसील कार्यालय आणि नगर परिषद कार्यालय येथे मतदान केंद्रांची व्यवस्था करण्यात आली होती. तहसील कार्यालयातील बूथ क्रमांक ४०८ हे ग्रामीण भागातील मतदारांसाठी होते. या केंद्रावर एकूण ४६१ मतदारांपैकी ३४१ मतदारांनी मतदानाचा हक्क बजावला. या केंद्रावर ७३.९६ टक्के मतदानाची नोंद झाली.
नगर परिषद कार्यालयात शहरी भागातील मतदारांसाठी दोन मतदान केंद्रे उभारण्यात आली होती. बूथ क्रमांक ४०९ वर एकूण ५५९ मतदारांपैकी ४०२ मतदारांनी मतदान केले. या केंद्रावर ७१.९१ टक्के मतदान झाले. तर बूथ क्रमांक ४१० वर ५६६ मतदारांपैकी ४३१ मतदारांनी मतदानाचा हक्क बजावला. या केंद्रावर सर्वाधिक ७६.१४ टक्के मतदानाची नोंद झाली.
तीनही मतदान केंद्रांवरील आकडेवारीनुसार, एकूण १ हजार ५८६ मतदारांपैकी १ हजार १७४ मतदारांनी मतदान केले. त्यामुळे एकत्रित मतदानाची टक्केवारी ७४.०२ टक्के झाली आहे. यामध्ये बूथ क्रमांक ४१० वर सर्वाधिक मतदान झाले, तर बूथ क्रमांक ४०९ वर तुलनेने कमी मतदानाची नोंद झाली.
नागपूर विभाग पदवीधर मतदारसंघाच्या निवडणुकीत विविध राजकीय पक्षांच्या उमेदवारांमध्ये चुरशीची लढत अपेक्षित आहे. बल्लारपूरमधील मतदानाची आकडेवारी समोर आल्यानंतर आता मतमोजणी आणि निकालाकडे सर्वांचे लक्ष लागले आहे. पदवीधर मतदारांनी कोणत्या उमेदवाराला पसंती दिली आहे, हे निकालानंतर स्पष्ट होणार आहे.
 आणि शिवसेना (उद्धव बाळासाहेब ठाकरे गट) यांच्या आघाडीकडून अभिजीत गोविंदराव वंजारी निवडणूक लढवत आहेत. तर भाजपप्रणीत युतीकडून सुधाकर कोहळे यांच्यासह अन्य उमेदवार निवडणुकीच्या रिंगणात आहेत. एकूण ३८ उमेदवार निवडणुकीत नशीब आजमावत असल्याने मतदारांचा कौल कोणाच्या बाजूने लागतो, याबाबत राजकीय वर्तुळात उत्सुकता निर्माण झाली आहे.बल्लारपूर शहरात मतदानासाठी तहसील कार्यालय आणि नगर परिषद कार्यालय येथे मतदान केंद्रांची व्यवस्था करण्यात आली होती. तहसील कार्यालयातील बूथ क्रमांक ४०८ हे ग्रामीण भागातील मतदारांसाठी होते. या केंद्रावर एकूण ४६१ मतदारांपैकी ३४१ मतदारांनी मतदानाचा हक्क बजावला. या केंद्रावर ७३.९६ टक्के मतदानाची नोंद झाली.नगर परिषद कार्यालयात शहरी भागातील मतदारांसाठी दोन मतदान केंद्रे उभारण्यात आली होती. बूथ क्रमांक ४०९ वर एकूण ५५९ मतदारांपैकी ४०२ मतदारांनी मतदान केले. या केंद्रावर ७१.९१ टक्के मतदान झाले. तर बूथ क्रमांक ४१० वर ५६६ मतदारांपैकी ४३१ मतदारांनी मतदानाचा हक्क बजावला. या केंद्रावर सर्वाधिक ७६.१४ टक्के मतदानाची नोंद झाली.तीनही मतदान केंद्रांवरील आकडेवारीनुसार, एकूण १ हजार ५८६ मतदारांपैकी १ हजार १७४ मतदारांनी मतदान केले. त्यामुळे एकत्रित मतदानाची टक्केवारी ७४.०२ टक्के झाली आहे. यामध्ये बूथ क्रमांक ४१० वर सर्वाधिक मतदान झाले, तर बूथ क्रमांक ४०९ वर तुलनेने कमी मतदानाची नोंद झाली.नागपूर विभाग पदवीधर मतदारसंघाच्या निवडणुकीत विविध राजकीय पक्षांच्या उमेदवारांमध्ये चुरशीची लढत अपेक्षित आहे. बल्लारपूरमधील मतदानाची आकडेवारी समोर आल्यानंतर आता मतमोजणी आणि निकालाकडे सर्वांचे लक्ष लागले आहे. पदवीधर मतदारांनी कोणत्या उमेदवाराला पसंती दिली आहे, हे निकालानंतर स्पष्ट होणार आहे.)
