मुख्यमंत्री देवेंद्र फडणवीस यांच्या नेतृत्वात विकासकामांना गती : आमदार डॉ. मिलिंद नरोटे यांच्या हस्ते सावंगा-मांगेवाडा पुलाचे भूमिपूजन


विदर्भ न्यूज एक्सप्रेस
प्रतिनिधी / गडचिरोली : महाराष्ट्राचे मुख्यमंत्री तथा गडचिरोली जिल्ह्याचे पालकमंत्री मा. ना. श्री. देवेंद्रजी फडणवीस यांच्या दूरदृष्टीपूर्ण नेतृत्वाखाली गडचिरोली जिल्ह्यातील दुर्गम भागातील विकासकामांना गती मिळत आहे. त्यांच्या मार्गदर्शनाखाली आणि आमदार डॉ. मिलिंद नरोटे यांच्या विशेष प्रयत्न व सातत्यपूर्ण पाठपुराव्यामुळे धानोरा तालुक्यातील सावंगा ते मांगेवाडा रस्त्यावरील पुलाच्या कामाला मंजुरी मिळाली आहे. या पुलाचे भूमिपूजन आमदार डॉ. मिलिंद नरोटे यांच्या हस्ते करण्यात आले.
नाबार्ड-३१ अंतर्गत या पुलासाठी ५ कोटी ९९ लाख रुपयांचा निधी मंजूर करण्यात आला आहे. पावसाळ्यात नदीला पूर आल्याने या भागातील गावांचा संपर्क तुटत होता. पुलाचे काम पूर्ण झाल्यानंतर नागरिकांना बारमाही दळणवळणाची सुविधा उपलब्ध होणार असून विद्यार्थी, शेतकरी आणि रुग्णांची गैरसोय दूर होण्यास मदत होणार आहे.
यावेळी भाजपा तालुकाध्यक्ष साजणजी गुंडावार, ज्येष्ठ नेते रमेशजी भुरसे, विजयजी कुमरे, जिल्हा महामंत्री डॉ. प्रकाशजी गेडाम, तालुका महामंत्री सुभाषजी धाईत, युवा नेते पवनजी येरमे, श्रीनिवासजी दुल्लमवार, नगरसेवक गटनेते संजयजी कुंडू, नगरसेवक मल्लिक बुधवानी, कालिदासजी लेंगगुरे, संतोषजी एक्का, अभिजितजी गाईन, कलिरामजी राऊत, युवा नेते अविनाशजी पोरेटी, प्रशांतजी राऊत, प्रशांत पेदापड्डीवार, गाव पाटील रमेशजी वालको, तसेच सार्वजनिक बांधकाम विभागाचे पुरुषोत्तम मेश्राम, अनामिका श्रोते, लक्ष्मणजी गणेलवार, अशोकजी लडके व परशुरामजी तुमडे यांची उपस्थिती होती.




Petrol Price




