Petrol Price
महामार्गावर भरधाव ट्रकची पोलिस वाहनाला धडक : हवालदाराचा मृत्यू
- आजीमाबादजवळ पहाटे भीषण अपघात; ट्रॅक्टर चालक गंभीर जखमी, ट्रकचालक पसार
विदर्भ न्यूज एक्सप्रेस
प्रतिनिधी / भंडारा : राष्ट्रीय महामार्ग क्रमांक ५३ वरील आजीमाबादजवळ रात्रीच्या गस्तीवर असलेल्या वाहतूक पोलिसांच्या सरकारी वाहनाला भरधाव ट्रकने जोरदार धडक दिली. या भीषण अपघातात वाहतूक पोलिस हवालदार किशोर हटवार (वय ४२) यांचा मृत्यू झाला, तर ट्रॅक्टर चालक पवन कापगते (वय ३०, रा. उमरी, ता. साकोली) गंभीर जखमी झाला. ही घटना शनिवारी, २४ ऑक्टोबर रोजी पहाटे सुमारे ४:४० वाजताच्या सुमारास घडली. अपघातानंतर ट्रकचालक घटनास्थळावरून पसार झाला. या घटनेमुळे पोलिस दलात हळहळ व्यक्त होत असून, हटवार यांच्या मूळ गावी शोककळा पसरली आहे.
गस्तीवरील पोलिस वाहनाला ट्रकची जोरदार धडक -
या प्रकरणी भंडारा वाहतूक नियंत्रण शाखेत कार्यरत सहायक फौजदार सुधीर कळमकर (वय ५४) यांनी कारधा पोलिस ठाण्यात तक्रार दाखल केली आहे. २३ ऑक्टोबरच्या रात्री ९:४५ वाजेपासून २४ ऑक्टोबरच्या पहाटे ५ वाजेपर्यंत त्यांची गस्तीची ड्युटी होती. यावेळी त्यांच्यासोबत पोलिस हवालदार किशोर हटवार आणि पोलिस शिपाई कपिल डोंगरे हेही कर्तव्यावर होते.
गस्तीदरम्यान पोलिस पथक राष्ट्रीय महामार्ग क्रमांक ५३ वरील आजीमाबादजवळ पोहोचले होते. महामार्गावरील जुन्या स्लोपजवळ नागपूरच्या दिशेने तोंड करून उभ्या असलेल्या ट्रॉली नसलेल्या ट्रॅक्टरच्या चालकासोबत पोलिस चर्चा करीत होते. त्याचवेळी लाखनीकडून नागपूरच्या दिशेने जाणाऱ्या भरधाव ट्रकने पोलिसांच्या सरकारी वाहनाला जोरदार धडक दिली. धडक इतकी जोरदार होती की, या अपघातात हवालदार किशोर हटवार आणि ट्रॅक्टर चालक पवन कापगते गंभीर जखमी झाले.
उपचारादरम्यान हवालदाराचा मृत्यू -
अपघातात हवालदार हटवार यांच्या हातापायांना गंभीर दुखापत झाली. ट्रॅक्टर चालक पवन कापगते हेदेखील गंभीर जखमी झाले. घटनेची माहिती मिळताच तातडीने ११२ क्रमांकावर संपर्क साधण्यात आला. त्यानंतर रुग्णवाहिकेच्या मदतीने दोघांनाही उपचारासाठी भंडारा येथे हलविण्यात आले.
मात्र, उपचार सुरू असतानाच हवालदार किशोर हटवार यांचा मृत्यू झाला. दुसरीकडे, पवन कापगते यांची प्रकृती चिंताजनक असल्याने त्यांना पुढील उपचारासाठी नागपूर येथे हलविण्यात आले. अपघातानंतर ट्रकचालक घटनास्थळावरून फरार झाल्याने त्याचा शोध घेण्याचे आव्हान पोलिसांसमोर आहे. या प्रकरणाचा पुढील तपास कारधा पोलिस करीत आहेत.
बोरगाव-मानेगावात शोककळा -
मृत हवालदार किशोर हटवार हे भंडारा तालुक्यातील बोरगाव-मानेगाव येथील मूळ रहिवासी होते. ते भंडारा वाहतूक नियंत्रण शाखेत वाहनचालक पदावर कार्यरत होते. कर्तव्य बजावत असताना झालेल्या या अपघातात त्यांचा मृत्यू झाल्याची बातमी गावात पोहोचताच शोककळा पसरली.
हटवार यांच्या निधनाची माहिती मिळताच कुटुंबीयांवर दुःखाचा डोंगर कोसळला. कुटुंबीयांनी आक्रोश केला, तर मित्रपरिवार आणि नातेवाईकांनी हळहळ व्यक्त केली. त्यांच्या आकस्मिक निधनामुळे परिसरात दुःखाचे वातावरण निर्माण झाले आहे.
 यांचा मृत्यू झाला, तर ट्रॅक्टर चालक पवन कापगते (वय ३०, रा. उमरी, ता. साकोली) गंभीर जखमी झाला. ही घटना शनिवारी, २४ ऑक्टोबर रोजी पहाटे सुमारे ४:४० वाजताच्या सुमारास घडली. अपघातानंतर ट्रकचालक घटनास्थळावरून पसार झाला. या घटनेमुळे पोलिस दलात हळहळ व्यक्त होत असून, हटवार यांच्या मूळ गावी शोककळा पसरली आहे.गस्तीवरील पोलिस वाहनाला ट्रकची जोरदार धडक -या प्रकरणी भंडारा वाहतूक नियंत्रण शाखेत कार्यरत सहायक फौजदार सुधीर कळमकर (वय ५४) यांनी कारधा पोलिस ठाण्यात तक्रार दाखल केली आहे. २३ ऑक्टोबरच्या रात्री ९:४५ वाजेपासून २४ ऑक्टोबरच्या पहाटे ५ वाजेपर्यंत त्यांची गस्तीची ड्युटी होती. यावेळी त्यांच्यासोबत पोलिस हवालदार किशोर हटवार आणि पोलिस शिपाई कपिल डोंगरे हेही कर्तव्यावर होते.गस्तीदरम्यान पोलिस पथक राष्ट्रीय महामार्ग क्रमांक ५३ वरील आजीमाबादजवळ पोहोचले होते. महामार्गावरील जुन्या स्लोपजवळ नागपूरच्या दिशेने तोंड करून उभ्या असलेल्या ट्रॉली नसलेल्या ट्रॅक्टरच्या चालकासोबत पोलिस चर्चा करीत होते. त्याचवेळी लाखनीकडून नागपूरच्या दिशेने जाणाऱ्या भरधाव ट्रकने पोलिसांच्या सरकारी वाहनाला जोरदार धडक दिली. धडक इतकी जोरदार होती की, या अपघातात हवालदार किशोर हटवार आणि ट्रॅक्टर चालक पवन कापगते गंभीर जखमी झाले.उपचारादरम्यान हवालदाराचा मृत्यू -अपघातात हवालदार हटवार यांच्या हातापायांना गंभीर दुखापत झाली. ट्रॅक्टर चालक पवन कापगते हेदेखील गंभीर जखमी झाले. घटनेची माहिती मिळताच तातडीने ११२ क्रमांकावर संपर्क साधण्यात आला. त्यानंतर रुग्णवाहिकेच्या मदतीने दोघांनाही उपचारासाठी भंडारा येथे हलविण्यात आले.मात्र, उपचार सुरू असतानाच हवालदार किशोर हटवार यांचा मृत्यू झाला. दुसरीकडे, पवन कापगते यांची प्रकृती चिंताजनक असल्याने त्यांना पुढील उपचारासाठी नागपूर येथे हलविण्यात आले. अपघातानंतर ट्रकचालक घटनास्थळावरून फरार झाल्याने त्याचा शोध घेण्याचे आव्हान पोलिसांसमोर आहे. या प्रकरणाचा पुढील तपास कारधा पोलिस करीत आहेत.बोरगाव-मानेगावात शोककळा -मृत हवालदार किशोर हटवार हे भंडारा तालुक्यातील बोरगाव-मानेगाव येथील मूळ रहिवासी होते. ते भंडारा वाहतूक नियंत्रण शाखेत वाहनचालक पदावर कार्यरत होते. कर्तव्य बजावत असताना झालेल्या या अपघातात त्यांचा मृत्यू झाल्याची बातमी गावात पोहोचताच शोककळा पसरली.हटवार यांच्या निधनाची माहिती मिळताच कुटुंबीयांवर दुःखाचा डोंगर कोसळला. कुटुंबीयांनी आक्रोश केला, तर मित्रपरिवार आणि नातेवाईकांनी हळहळ व्यक्त केली. त्यांच्या आकस्मिक निधनामुळे परिसरात दुःखाचे वातावरण निर्माण झाले आहे.)
