महत्वाच्या बातम्या

पशुधनाची Online Tagging व नोंदणी झाली सुलभ

विदर्भ न्यूज एक्सप्रेस
प्रतिनिधी / गडचिरोली : ०५ जानेवारी २०२४ चे शासन निर्णयानुसार दुध उत्पादक शेतकऱ्यांना गाय दुधासाठी प्रतिलिटर रु. ५/- अनुदान देय आहे. पात्र पशुधनास कानात Tagging करुन भारत पशुधन प्रणालीमध्ये नोंदणी अत्यावश्यक आहे. त्या अनुषंगाने सर्व पशुवैद्यकीय संस्था मार्फत पशुधनास Tagging व भारत पशुधन प्रणालीवर नोंदणी प्रक्रिया सुरु आहे. योजनेत सहभागी पशुपालकांनी जनावरांना Tagging व योग्य रितीने भारत पशुधन प्रणालीमध्ये नोंदणी करुन न घेतल्यास सदर योजनेच्या लाभापासून वंचित राहु शकतात.

तरी सर्व पशुपालक/शेतकरी यांना जिल्हा पशुसंवर्धन उपआयुक्त, गडचिरोली, डॉ.विलास अ.गाडगे यांचेकडून आवाहन करण्यात येते की, आपल्या सर्व पशुधनास Tagging व Online नोंदणीसाठी नजीकच्या पशुवैद्यकीय दवाखान्यात संपर्क करुन आपल्या पशुधनाची नोंदणी प्रक्रिया पुर्ण करावी व जास्तीत जास्त पात्र पशुपालकांनी सदर योजनेचा लाभ घ्यावा असे जिल्हा पशुसंवर्धन उपआयुक्त, गडचिरोली, डॉ. विलास अ. गाडगे यांनी कळविले आहे.