स्थानिक गुन्हे शाखेच्या पथकाने कोटगल येथे पकडली ३ लाख ८७ हजारांची दारू


विदर्भ न्यूज एक्सप्रेस
प्रतिनिधी / गडचिरोली :
स्थानिक गुन्हे शाखेच्या पथकाला मिळालेल्या माहितीनुसार १८ ऑगस्ट रोजी रात्री ११ वाजताच्या सुमारास एका संशयास्पद वाहनातून १ लाख ८७ हजार २०० रूपयांची  दारू जप्त केली आहे. वाहनासह एकूण ३ लाख ८७ हजार २०० रूपयांचा मुद्देमाल जप्त करण्यात आला आहे.
पोलिस अधीक्षक शैलेश बलकवडे यांनी अवैध दारूविक्रीवर आळा घालण्यासाठी स्थानिक गुन्हे शाखेच्या अधिकारी व कर्मचाऱ्यांवर जबाबदारी सोपविली आहे. स्थानिक गुन्हे शाखेच्या पथकास १८ ऑगस्ट  रोजी दारू तस्करीबाबत गुप्त माहिती मिळाली.  पोलिस अधीक्षकांच्या आदेशानुसार अपर पोलिस अधीक्षक डाॅ. मोहितकुमार गर्ग तसेच पोलिस निरीक्षक उल्हास भुसारी यांच्या मार्गदर्शनाखाली गुन्हे शाखेतील सहाय्यक फौजदार खुशाल गेडाम, पोलिस हवालदार हेमंत गेडाम, पोलिस हवालदार कान्हु गुरनुले, पोलिस शिपाई नुतेश धुर्वे, चालक शिपाई रमेश बेसरा यांनी कोटगल येथे सापळा रचला. यावेळी एमएच ३३ जी ८४ क्रमांकाचा मेटॅडोर कोटगलकडे येत असल्याचे निदर्शनास आले. पथकाने सदर वाहनास थांबवून झडती घेतली असता इंपेरियल ब्ल्यू कंपनीच्या १३ सिलबंद बाॅक्समध्ये ६२४ सिलबंद निपा आढळून आल्या. दारू व वाहन ताब्यात घेण्यात आले. 
या कारवाईदरम्यान संदिप तुळशिराम गोवर्धन रा. मुडझा ता. जि. गडचिरोली आणि पुरूषोत्तम गंगाधर मंगर रा. वेलतुर तुकूम ता. चामोर्शी या दोघांना ताब्यात घेण्यात आले. त्यांच्यावर दारूबंदी कायद्यान्वये गुन्हा दाखल करण्यात आला आहे. 

 



  Print






News - Gadchiroli | Posted : 2019-08-20






Related Photos