महत्वाच्या बातम्या

सह संचालक डॉ. सारनीकर गडचिरोली जिल्हा भेटी दरम्यान किटकजन्य आजाराचा घेतला आढावा

विदर्भ न्यूज एक्सप्रेस

प्रतिनिधी / गडचिरोली : राज्याचे सह संचालक, आरोग्य सेवा (हिवताप व हत्तीरोग) डॉ. प्रतापसिंह सारनीकर व त्यांच्या चम्मूने १७ डिसेंबर २०२३ रोजी जिल्हा हिवताप कार्यालय, गडचिरोली तसेच धानोरा तालुक्यातील मुरूमगाव व गोडलवाही आरोग्य संस्थाना भेटी देऊन किटकजन्य आजारांची पाहणी केली व आढावा घेतला.

गडचिरोली हा जिल्हा कायम किटकजन्य आजारासाठी संवेदनशील राहलेला आहे. या जिल्ह्यातील किटकजन्य आजारावर नियंत्रण व प्रतिबंध करण्याकरिता डॉ. प्रतापसिंह सारनीकर व त्यांच्या चम्मूने जिल्ह्यातील किटकजन्य आजाराचा आढावा घेऊन जिल्ह्यातील उपस्थित आरोग्य कर्मचाऱ्याना येणाऱ्या काळामध्ये हिवताप प्रतीबंधात्मक उपाययोजना अधिक गतिमान करणे, जिल्ह्यातील IDSP, साथरोग, हिवताप व हत्तीरोग विभागातील कर्मचारी यांना मार्गदर्शक सूचना दिल्या. तसेच दरवर्षी पेक्षा या वर्षातील हिवताप रुग्ण संख्येतील घट या बाबत समाधान व्यक्त केले. तसेच उपस्थित राज्यस्तरीय चम्मूने सुद्धा किटकजन्य आजाराविषयी कर्मचाऱ्याना मार्गदर्शन केले.

यावेळी राज्यस्तरिय चम्मू डॉ. प्रदीप आवटे, डॉ. सोळकी, डॉ. जगताप, महेश शिंदे, सुनील राठोड तसेच जिल्हा आरोग्य अधिकारी डॉ. दावल साळवे, डॉ. विनोद मशाखेत्री. डॉ. हुलके व जिल्हा हिवताप अधिकारी डॉ. कोटवार, अशोक एडलावार आरोग्य पर्यवेक्षक, संतोष भार्गवे कार्यालयीन अधिक्षक आदी उपस्थित होते.