एड्स जनजागृतीपर प्रश्नमंजुषा स्पर्धेच्या विजेत्यांचा सत्कार
विदर्भ न्यूज एक्सप्रेस
प्रतिनिधी / भंडारा : शालेय विदयार्थ्याकरीता एडस जनजागृतीसाठी जिल्हास्तरीय रेड रिबन प्रश्न मंजूषा स्पर्धेचे आयोजन आज नगरपरिषद गांधी विदयालय,मुसिल्म लायब्ररीजवळ, भंडारा येथे आज करण्यात आले होते. यात एकुण २५ विदयार्थी-विदयार्थीनींनी सहभाग घेतला.
यातील लाल बहादूर शास्त्री ११ वीतील प्रयास शेंडे याला प्रथम क्रमांक तर लावण्या सुखदेव चाचेरे या विदयार्थीनीला व्दितीय क्रमांक मिळाला आहे. यांची राज्यस्तरीय प्रश्नमंजूषा स्पर्धेकरीता या दोघांची निवड झाली आहे. त्यांना यावेळी प्रमाणपत्र व पुष्पगुच्छ देवून अभिनंदन करण्यात आले. तसेच सहभागी स्पर्धकांना प्रमाणपत्र देऊन सन्मानित करण्यात आले.
या स्पर्धेकरीता प्राचार्य ओमराज नागोशे, जिल्हा एडस प्रतिबंध व नियंत्रण कक्षाचे डॉ. लोकेश गभने, वरीष्ठ कार्यक्रम अधिकारी, साथी प्रकल्प, मंगेश निमराडकर, पर्यवेक्षक मनोज येरणे उपस्थित होते.
News - Bhandara