हिमाचल प्रदेशात गेस्ट हाऊसची इमारत कोसळली भारतीय सेनेचे ३० ते ३५ जवान दबल्याची भीती


वृत्तसंस्था / शिमला हिमाचल प्रदेशातील सोलनमधील कुमारहट्टी-नाहन महामार्गाशेजारी असलेल्या सेहज ढाबा आणि  गेस्ट हाऊसची इमारत कोसळली आहे. इमारतीच्या मलब्याखील अनेकजण दबल्या गेले असून, यामध्ये भारतीय सेनेचेही ३० ते ३५ जवान दबल्या गेले असल्याची भीती व्यक्त करण्यात आली आहे. मलब्याखाली दबलेल्यांपैकी आतापर्यंत दहा जणांना बाहेर काढण्यात  यश आले आहे.
 हे जवान बसद्वारे जात असताना या ठिकाणी जेवणासाठी थांबले होते, अशी माहिती समोर येत आहे. घटनेची माहिती मिळताच स्थानिक प्रशासनाने धाव घेतली आहे. या ठिकाणी सध्या तुफान पाऊस सुरू असल्याने स्थानिक लोकांनी देखील बचाव कार्यात पुढाकार घेतला आहे.  महसूल व आपत्ती व्यवस्थापन विभागाचे संचालक आणि विशेष सचिव डीसी राणा यांनी सांगितले की, एकुण २५ जण घटनास्थळीच आहेत. पाऊसही सुरूच आहे. पंचकुलाहून एनडीआरएफचे पथक रवाना झाले आहे.



  Print






News - World | Posted : 2019-07-14






Related Photos