महत्वाच्या बातम्या

 जास्त कालावधीतील प्रकरणे निकाली काढण्यासाठी विशेष मोहीम


विदर्भ न्यूज एक्सप्रेस 
प्रतिनिधी / नागपूर : चालू शैक्षणिक वर्षात बारावी विज्ञान, व्यावसायिक, सेवा (नौकरी) निवडणूक व इतर कारणास्तव अनुसूचित जाती, विमुक्त जाती व भटक्या जमाती, इतर मागास प्रवर्ग या प्रवर्गातील अर्जदारांनी जात प्रमाणपत्र पडताळणी  प्रकरणे समितीकडे सादर केलेले आहेत. ज्या अर्जदारांचे प्रकरणे त्रुटीपूर्ततेअभावी प्रलंबित आहेत, अशा अर्जदारांना वारंवार एस.एम.एस., पत्राद्वारे तसेच दुरध्वनीद्वारे कळवूनही अर्जदारांनी त्रुटीपूर्तता केलेली नाही अशा अर्जदारांची प्रकरणे निकाली काढण्यासाठी ३१ ऑक्टोबरपर्यंत विशेष मोहीम राबविण्यात येत आहे.

३ महिन्यापेक्षा जास्त कालावधी झालेल्या अर्जदारांना कार्यालयाकडून वारंवार सूचना देवूनही आवश्यक कागदपत्रे ऑनलाईन अपलोड केलेली नाही, अशा अर्जदारांनी ३१ ऑक्टोबरपर्यंत ऑनलाईन कागदपत्र अपलोड करावी.

अर्जदारांनी अर्ज केला परंतू अर्ज त्रुटीमध्ये आल्यावर त्यांना वारंवार त्रुटी कळवूनही त्रुटींची पूर्तता केलेली नाही त्या अर्जदारांनी त्रुटींची पूर्तता तात्काळ करावी. कागदपत्रे अपलोड न केल्यास अशा अर्जदारांचे अर्ज नियमाप्रमाणे कार्यवाही करुन परत केले जाईल याची अर्जदार व पालकांनी नोंद घ्यावी, असे जिल्हा जात प्रमाणपत्र पडताळणी समितीचे उपायुक्त तथा सदस्य सुरेंद्र पवार यांनी कळविले आहे.





  Print






News - Nagpur




Related Photos