नागपूरच्या शुक्रवारी तलावात चिमुकलीसह आईने उडी घेऊन केली आत्महत्या


विदर्भ न्यूज एक्सप्रेस 
प्रतिनिधी / नागपूर :
  गांधीसागर (शुक्रवारी) तलावा मध्ये  दोन वर्षांच्या चिमुकलीसह आईने उडी घेऊन आत्महत्या केल्याची खळबळजनक घटना सोमवारी  उघडकीस आली. गणेशपेठ पोलिसांनी आकस्मिक मृत्यूची नोंद  केली आहे.
सोमवारी सकाळी ७ वाजताच्या सुमारास दोघींचे मृतदेह तलावात तरंगताना आढळले. जगदीश खरे यांनी गणेशपेठ पोलिसांना माहिती दिली. पोलिसांचा ताफा लगेच तेथे पोहोचला. जगदीश खरे यांनी दोघींचे मृतदेह बाहेर काढले. पोलिसांनी पंचनामा करून मृतदेह मेडिकल कॉलेज हॉस्पिटलकडे रवाना केले. पोलिसांनी तलाव परिसरात शोध घेतला असता केवळ महिलेची चप्पल आढळली. महिला व मुलीच्या छायाचित्राद्वारे पोलिस दोघींची ओळख पटविण्याचा प्रयत्न करीत असताना रात्री ९.३० वाजताच्या सुमारास नातेवाईक गणेशपेठ पोलिस स्टेशनमध्ये धडकले. पोलिसांनी दोघींचे छायाचित्र दाखविले. मात्र छायाचित्र बघून दोघी आपल्याच नातेवाईक असल्याबाबत संभ्रम निर्माण झाला. मेडिकलमधील शवागार बंद झाल्याने नातेवाइकांना दोघींचे मृतदेह दाखविणे शक्य नव्हते. त्यामुळे आज  मंगळवारी  नातेवाइकांना मेडिकलमध्ये नेण्यात येऊन मृतांची ओळख पटविण्यात येणार आहे.  



  Print






News - Nagpur | Posted : 2019-06-25






Related Photos