हिंदू नेत्यांच्या हत्येचा कट रचणारे ५ संशयित दहशतवादी पोलिसांच्या अटकेत


विदर्भ न्यूज एक्सप्रेस 
वृत्तसंस्था / चेन्नई :
तामिळनाडू पोलिसांनी कोएंबतूर येथून हिंदुत्ववादी संघटनांच्या नेत्यांची हत्या करण्याचे कट कारस्थान रचणाऱ्या ५ संशयित दहशतवाद्यांना अटक केली आहे. पोलिसांनी केलेल्या चौकशीत त्यांनी आपल्या गुन्ह्याची कबुली दिली. यानंतर सोमवारी त्यांना न्यायालयात सादर केले असता न्यायालयाने त्यांना तुरुंगात पाठवण्याचे आदेश दिले आहेत.
हत्या करण्यासाठीच ४ जण रविवारी चेन्नईहून कोएंबतूरला आले होते. याच ठिकाणी रेल्वे स्टेशनवर त्यांनी पाचव्या संशयिताची भेट घेतली. गेल्या काही दिवसांपासून हे ५  जण गुप्तचर आणि पोलिस विभागाच्या रडारवर होते. त्यांच्यावर नजर ठेवूनच पोलिसांनी सर्वांना अटक केली. 
पोलिस सुत्रांच्या माहितीनुसार, हे संशयित दहशतवादी इंडु मक्कल काची (आयएमके) चे संस्थापक अर्जुन संपत आणि त्यांचा मुलगा ओंकार बालाजीसह हिंदू मुन्नानीचे नेते मूकंबीगाई मणी यांची हत्या करणार होते. काही दिवसांपूर्वीच या सर्व नेत्यांना जिवे मारण्याच्या धमक्या मिळाल्या होत्या. तेव्हापासून हिंदू संघटनांच्या नेत्यांच्या सुरक्षेत वाढ करण्यात आली आहे. 



  Print






News - World | Posted : 2018-09-03






Related Photos