मरकेगाव येथे नक्षल्यांकडून दोघांची हत्या , हत्यासत्र सुरूच , ७ जणांचा घेतला जीव


विदर्भ न्यूज एक्सप्रेस 
प्रतिनिधी /  गडचिरोली : 
 नक्षल्यांनी हत्या  सत्र सुरुच ठेवले असून  धानोरा तालुक्यातील मरकेगाव  येथे दोन नागरिकांची हत्या केल्याची घटना आज शनिवारी २ फेब्रुवारी रोजी उघडकीस आली आहे गिरमा कुडयामी आणि समरु अशी मृतांची नावे आहेत.  
मृतक गिरमा कुडयामी आणि समरु  हे  गेल्या अनेक दिवसांपासून गडचिरोली येथे राहत होते. शुक्रवारी ते आपल्या गावी परतले असता नक्षल्यांनी त्यांची हत्या केल्याची माहिती प्राप्त झाली आहे. ठार केले.  नक्षलवाद्यांनी याआधी भामरागड आणि एटापल्ली तालुक्यात ५ जणांची हत्या केली होती.
 २२ जानेवारीला भामरागड तालुक्यातील कसनासूर येथील ३ नागरिकांची नक्षल्यांनी हत्या केली होती. त्यांचे मृतदेह भामरागड-आल्लापल्ली मार्गावर फेकून दिले होते. तर दुसऱ्याच दिवशी अनेक ठिकाणी नक्षली बॅनर आढळून आले. यामध्ये नक्षलवाद्यांनी भारत बंदचे आवाहन केले होते. त्यानंतर एटापल्ली तालुक्यातील जारावंडी पोलीस मदत केंद्रांतर्गत येणाऱ्या ताळगुडा येथील सोनसाय तानु बेग याची हत्या केली होती. 



  Print






News - Gadchiroli | Posted : 2019-02-02






Related Photos