कुरखेडा येथील अंगणवाड्यांच्या इमारतींची दुरवस्था


विदर्भ न्यूज एक्सप्रेस 
प्रतिनिधी / कोंढाळा (देसाईगंज) :
ज्या इमारतींमध्ये बालपण घडविल्या जाते, संस्काराचे बीज पेरल्या जाते, उंच भरारी घेण्यास परावृत्त केल्या जाते त्याच    अंगणवाड्यांची आज दयनीय अवस्था पाहावयास मिळत आहे, ही फार लाजिरवाणी बाब आहे. मोडकडीस आलेल्या व जीर्णावस्थेत असलेल्या इमारतींमध्ये इवल्याशा  बालकांना ज्यांना काही कळत नाही,अशा ठिकाणी घडविल्या जात आहे. अंगणवाडयांची प्रत्यक्षात पाहणी केली असता,कितीतरी वर्षांपासून रंग-रांगोटी केली गेली नाही, वीज पुरवठा नाही,इमारतींना भेगा पडलेल्या आहेत. बरोबर खेळणी नाही, पौष्टिक आहार  दिल्या जात नाही अशा अनेक समस्यां आहेत.परंतु याकडे कुणाचेही लक्ष नाही. केवळ नामधारी पाहणी करून पोकळ आश्वासने दिली जातात. याच ठिकाणी एखाद्या राजकारणी लोकांची मुले गेली असती तर? तर कायापालट झाला असता. आजच्या स्थितीत लाखो निधी नाहक बांधकामावर खर्ची घातल्या जातो. आमदार निधी,खासदार निधी,मुख्यमंत्री निधी,पंतप्रधान निधी,जिल्हा परिषद निधी अशा बऱ्याच निधीचा भडीमार असतो. कित्येक रस्ते,पूल  यांसाठी केवळ खर्च केला जातोय.  मात्र अंगणवाडयांसाठी ठेंगा दाखविल्या जात आहे. याबाबत कुरखेड्यातील बाल  विकास प्रकल्प अधिकाऱ्यासोबत चर्चा केली असता,नुसते आश्वासन देऊन हात झटकले. मात्र हा फार गंभीर स्वरूपाचा प्रश्न असून,याकडे लक्ष घालून नवीन इमारती वा दुरुस्ती करून बालगोपाळांचे भवितव्य घडविण्याकडे गांभीर्यपूर्वक लक्ष द्यावे अशी  मागणी प्रहार संघटना  व नागरिकांनी केली आहे.

 



  Print






News - Gadchiroli | Posted : 2018-08-23






Related Photos