महत्वाच्या बातम्या

 १२ वी विज्ञान शाखेच्या विद्यार्थ्यांना मोफत स्पर्धा परीक्षा पुस्तके वाटप व मार्गदर्शन शिबिराचे आयोजन


- माजी मंत्री आ. विजय वडेट्टीवार यांचा पुढाकार : आधार फाउंडेशनचा उपक्रम

विदर्भ न्यूज एक्सप्रेस 

प्रतिनिधी / चंद्रपूर : राजाच्या सीमावर्ती भागात वसलेल्या चंद्रपूर जिल्ह्यातील होतकरू ग्रामीण विद्यार्थ्यांना उज्वल भविष्य घडविण्यासाठी तसेच जीवनात यशाची उंच भरारी घेण्याकरिता उपयुक्त स्पर्धा परीक्षा चे मार्गदर्शन व मोफत स्पर्धा परीक्षा पुस्तके वाटपाचा कार्यक्रम ब्रह्मपुरी येथील नेवजाबाई हितकारणी महाविद्यालयात राज्याची माजी कॅबिनेट मंत्री, काँग्रेस नेते, आ. विजय वडेट्टीवार यांच्या पुढाकारातून व आधार फाउंडेशन नागपूर यांनी १६ ऑक्टोंबर २०२२ रोजी सकाळी १० वाजता आयोजित केला आहे.

ग्रामीण भागात अनेक प्रतिभावंत विद्यार्थी आहेत. बुद्धिमत्तेच्या बळावर शिक्षण क्षेत्रात यशाचा ठसा उमटवूनही घरच्या आर्थिक परिस्थिती अभावी पुढील शिक्षणात आगे कूच करताना ग्रामीण विद्यार्थ्यांना निर्माण होणाऱ्या समस्या या संपूर्ण बाबींचा सखोल विचार करून अशा होतकरू विद्यार्थ्यांच्या यशस्वी शैक्षणिक प्रवासातील अडचणीत दूर करण्याच्या उद्धांत हेतूने राज्याचे माजी कॅबिनेट मंत्री, काँग्रेस नेते, आ. विजय वडेट्टीवार यांनी पुढाकार घेऊन राज्याच्या सीमावर्ती भागातील चंद्रपूर जिल्ह्यातील तालुक्यांमध्ये इयत्ता बारावी विज्ञान शाखेच्या विद्यार्थ्यांकरीता आधार फाउंडेशन नागपूर मार्फत विशेष करिअर मार्गदर्शन शिबिर व स्पर्धा परीक्षांचे महागडडी पुस्तके मोफत वाटप करण्याचा उपक्रम हाती घेतला आहे. सदर उपक्रमात ब्रह्मपुरी, सिंदेवाही, सावली, नागभीड, चिमूर, मुल तालुक्यातील विद्यार्थ्यांचा समावेश असून सुमारे दोन हजार विद्यार्थ्यांना लाभ मिळणार आहे.

सदर उपक्रमाचा पहिला टप्पा अंतर्गत ब्रह्मपुरी येथील नेवजाबाई हितकारणी महाविद्यालय आयोजित कार्यक्रमात प्रसंगी कार्यक्रमाचे अध्यक्ष म्हणून राज्याचे माजी कॅबिनेट मंत्री, काँग्रेस नेते, आ. विजय वडेट्टीवार, प्रमुख अतिथी म्हणून चंद्रपूर जिल्ह्याचे तत्कालीन जिल्हाधिकारी अजय गुल्हाने, पोलीस अधीक्षक अरविंद साळवे, नेवजाबाई हितकारणी महाविद्यालय संस्थापक अशोक भैय्या, तसेच स्पर्धा परीक्षा मार्गदर्शक व प्रमुख वक्ते म्हणून डॉ. विनोद आसूदानी या अनुभवी विभूतींचे प्रमुख मार्गदर्शन लाभणार असून परिसरातील जास्तीत जास्त विद्यार्थ्यांनी कार्यक्रमाचा लाभ घ्यावा व सहभाग दर्शवावा असे आवाहन आधार फाउंडेशन बहुद्देशीय शिक्षण संस्था नागपूरचे संस्थापक दिनेश मलीये, व मुकेश चौबे यांनी केले आहे.





  Print






News - Chandrapur




Related Photos