महत्वाच्या बातम्या

तब्बल दोन महिण्यानंतर वाघाला जेरबंद करण्यात यश : आमदार गजबेंच्या अथक प्रयत्नामुळे वनविभाग लागले होते कामाला

- १३ जणांसाठी कर्दनकाळ ठरलेला सीटी-१ वाघ अखेर जेरबंद
विदर्भ न्यूज एक्सप्रेस
तालुका प्रतिनिधी / देसाईगंज : देसाईगंज लगतच्या भंडारा जिल्ह्यासह गडचिरोली जिल्ह्यातील वडसा वन परिक्षेञ व गडचिरोली वन परिक्षेञात मागील काही महिण्यात तब्बल १३ जणांसाठी कर्दनकाळ ठरलेल्या सीटी-१ या नरभक्षक वाघाला तब्बल दोन महिण्यानंतर जेरबंद करण्यात यश आले आहे. यासाठी वडसा वन विभागात सीटी-१ वाघाच्या हल्ल्यात पहिला बळी ठरताच आमदार कृष्णा गजबे यांनी सदर वाघाला जेरबंद करण्यासाठी सातत्याने वरिष्ठ स्तरावर पाठपुरावा सुरुच ठेवल्याने सदर वाघाला जेरबंद करण्यासाठी वन विभागाचे अधिकारी, कर्मचारी सतत वाघाच्या मागावर असल्यानेच जेरबंद करण्यात यश आल्याचे बोलल्या जाऊ लागले आहे.
२०२१ पासुन वडसा वन विभागात ६, भंडारा वनविभागात ४ व चंद्रपुर जिल्ह्यातील ब्रम्हपुरी वनविभागात ३ अशा एकुण १३ जणांचा बळी घेतला होता. वडसा वन विभागासह गडचिरोली वनविभाग सातत्याने वाघाच्या हल्ल्यात ठार होत असलेल्यांच्या घटनांत वाढ होत असल्याचे पाहु जाता येथील नागरिकांनी आक्रमक पवित्रा घेतल्याने स्थानिक लोकप्रतिनिधींना लोकांच्या रोषाला सामोरे जावे लागत असल्याचे पाहु जाता आरमोरी विधानसभा क्षेत्राचे आमदार कृष्णा गजबे यांनी याबाबत वनमंत्र्यांकडे वाघाला जेरबंद करण्यासाठी पाठपुरावा करण्यासोबतच स्थानिक वनाधिकाऱ्यांना वारंवार धारेवर धरले होते.
दरम्यान सीटी-१ वाघाची अधिकाधिक दहशत पसरत असल्याचे पाहु जाता व सदर वाघ केव्हाही, कधीही कोणावरही हल्ला करून ठार करीत असल्याचे पाहु जाता व दरम्यान मागावर असलेल्या वन विभागाच्या रेस्क्यु टिमला वारंवार हुलकावण्या देत असल्याचे पाहु जाता आमदार गजबे यांनी प्रधान मुख्य वनसंरक्षकांकडे तक्रार करून वाघाला तत्काळ जेरबंद करण्याची मागणी केली होती. त्या अनुषंगाने प्रधान मुख्य वनसंरक्षक यांच्या आदेशान्वये ताडोबा व्याघ्र शिघ्र बचाव दल चंद्रपुर, नवेगाव नागझिरा व्याघ्र शिघ्र बचाव दल आणि अमरावती प्रादेशिक व्याघ्र शिघ्र बचाव दल यांनी संयुक्तपणे मोहिम राबवून लावलेल्या सापड्यात अडकताच बंदुकितुन डार्ट मारून बेशुद्ध केले व वाघ शुद्धीवर येण्यापूर्वीच कोणतीही इजा न पोहचवता पिंजऱ्यात बंदिस्त केले.
उपरोक्त वनपरिक्षेत्रा अंतर्गत शेतशिवारात शेतीच्या कामासाठी, गुरेढोरे राखण्यासाठी गेलेले गुराखी, मोटारसायकल ने रस्त्याने जात असणारे वाटेकरी अशा अनेक व्यक्तींवर दबाधरुन बसलेल्या पटेदार वाघाने अचानक हल्ला करून अनेक व्यक्तींचा बळी घेतल्याने सदर वाघाला वन विभागाच्या वनाधिकाऱ्यांनी मोठ्या शिताफीने एकलपुरच्या जंगलात जेरबंद करण्यात यश मिळवल्याने परिसरातील धास्तावलेल्या नागरिकांनी सुटकेचा निश्वास टाकला असला तरी यासाठी सातत्याने प्रयत्नशील राहुन सीटी-१ वाघाचा बंदोबस्त करण्यासाठी प्रयत्नशिल राहिलेले आमदार गजबे यांचे सर्वच स्तरावरुन कौतुक केले असुन वनविभागाच्या अभिनंदनाचा वर्षाव केल्या जात आहे.