०३ ऑगस्ट रोजी जिल्हास्तरीय लोकशाही दिनाचे आयोजन

विदर्भ न्यूज एक्सप्रेस
प्रतिनिधी / गडचिरोली : जिल्हास्तरीय लोकशाही दिनाचे आयोजन सोमवार, ०३ ऑगस्ट २०२६ रोजी दुपारी ३ वाजता जिल्हाधिकारी कार्यालय, गडचिरोली येथील सभागृहात करण्यात आले आहे. जिल्हास्तरावर तक्रार अर्ज सादर करू इच्छिणाऱ्या नागरिकांनी संबंधित तक्रार प्रथम तालुका लोकशाही दिनात मांडलेली असणे आवश्यक आहे.

तहसीलदारांच्या उत्तरावर समाधान न झाल्यास त्याची प्रत, तालुका लोकशाही दिनाचा टोकन क्रमांक आणि विहित नमुन्यातील प्रपत्र १ (ब) अर्ज आवश्यक कागदपत्रांसह लोकशाही दिनाच्या किमान १५ दिवस आधी सादर करावा. तक्रार वैयक्तिक स्वरूपाची असणे आवश्यक असून अन्यथा अर्ज विचारात घेतला जाणार नाही, असे जिल्हाधिकारी अविश्यांत पंडा यांनी कळविले आहे.