महत्वाच्या बातम्या

विद्यार्थ्यांच्या बौद्धिक विकासासाठी सामान्य ज्ञान परीक्षेचे आयोजन

विदर्भ न्यूज एक्सप्रेस
तालुका प्रतिनिधी / बल्लारपूर : महाराष्ट्र शिक्षण प्रसारक मंडळ, बल्लारपूर संचालित महात्मा ज्योतिबा फुले कनिष्ठ महाविद्यालयात नववी व दहावीच्या विद्यार्थ्यांसाठी सामान्य ज्ञान परीक्षेचे आयोजन करण्यात आले आहे. विद्यार्थ्यांमध्ये स्पर्धा परीक्षांविषयीची आवड निर्माण करणे, सामान्य ज्ञानाचा स्तर उंचावणे तसेच बौद्धिक विकासाला चालना देणे हा या परीक्षेचा मुख्य उद्देश आहे.

ही परीक्षा रविवार २६ जुलै २०२६ रोजी सकाळी ११ ते १२ या वेळेत महात्मा ज्योतिबा फुले कनिष्ठ महाविद्यालयात घेण्यात येणार आहे. परीक्षेचे माध्यम हिंदी असून परिसरातील विविध शाळा व कॉन्व्हेंटमधील नववी व दहावीच्या विद्यार्थ्यांना सहभागी होता यावे यासाठी संबंधित सर्व शैक्षणिक संस्थांना परीक्षेबाबतचे पत्र पाठविण्यात आले आहे.

विद्यार्थ्यांच्या बौद्धिक क्षमतेला वाव मिळावा, स्पर्धात्मक परीक्षांची तयारी करण्यासाठी आत्मविश्वास वाढावा आणि विविध विषयांवरील ज्ञानाचा विस्तार व्हावा, या उद्देशाने या सामान्य ज्ञान परीक्षेचे आयोजन करण्यात आले असल्याचे महाविद्यालयाच्या वतीने सांगण्यात आले.

या परीक्षेत जास्तीत जास्त विद्यार्थ्यांनी सहभागी होऊन संधीचा लाभ घ्यावा, असे आवाहन महात्मा ज्योतिबा फुले कनिष्ठ महाविद्यालय तसेच महाराष्ट्र शिक्षण प्रसारक मंडळ, बल्लारपूर यांच्या वतीने करण्यात आले आहे. परीक्षेच्या यशस्वी आयोजनासाठी महाविद्यालयाचे प्राचार्य, शिक्षक व कर्मचारी तयारीत व्यस्त असून परीक्षेसाठी आवश्यक सर्व व्यवस्था करण्यात आली आहे.