गडचिरोलीत दुचाकी अपघातात तरुण ठार, साथीदार गंभीर जखमी

विदर्भ न्यूज एक्सप्रेस
प्रतिनिधी / गडचिरोली : गडचिरोली जिल्ह्यातील गुरवळा-मारोडा मार्गावर मंगळवारी रात्री एक दुर्दैवी अपघात घडला. भरधाव दुचाकी वाहनाने झाडाला धडक दिली, ज्यात प्रफुल अशोक दरडे (३०, रा. गुरवळा) याचा जागीच मृत्यू झाला, तर त्याचा साथीदार गंभीर जखमी झाला आहे.

घटनेची सविस्तर माहिती –
मारोडा गावाजवळ दुचाकीच्या चालकाचे वाहनावरील नियंत्रण सुटल्याने ते रस्त्याच्या कडेला असलेल्या झाडाला धडकले. धडक इतकी जोरदार होती की, प्रफुल दरडे हा जागीच ठार झाला, तर त्याचा साथीदार गंभीर जखमी होऊन उपचारासाठी रुग्णालयात दाखल करण्यात आला.

पोलिसांनी घटनास्थळी पोहोचून तपास सुरू केला असून, मृताच्या कुटुंबीयांमध्ये शोककळा पसरली आहे.