महत्वाच्या बातम्या

नागरी येथील नवीन देशी दारू दुकानाच्या विरोधात महिला एकवटल्या

विदर्भ न्यूज एक्सप्रेस
प्रतिनिधी / वरोरा : तालुक्यातील नागरी येथे नव्याने देशी दारू दुकान सुरू होणार आहे. दुकानाला ना हरकत प्रमाणपत्र देण्याकरिता ग्रामसभा घेण्यात आली ही ग्रामसभा नियमबाह्य असून या दुकानास महिलांनी विरोध केला आहे. नागरी येथील महिला पंचायत समिती कार्यालय व पोलीस स्टेशनवर धडकल्या आता देशी दारू दुकान सुरू होण्याआधी विरोध झाल्याने आता प्रशासन काय निर्णय घेतात याकडे सर्वांचे लक्ष लागले आहे. नागरी गावाच्या हद्दीनंतर वर्धा जिल्हा सुरू होतो त्यामुळे अनेक बियर बार संचालक देशी दारू दुकानदार यांच्या नजरा नागरी गावाकडे वळले आहे. सध्या नागरी गावाशेजारी देशी दारू दुकानाकरिता इमारत बांधण्यात आली आहे. त्यानंतर देशी दारू दुकान सुरू करण्याकरिता ग्रामसभेचा ठराव आवश्यक आहे. त्याकरिता २९ डिसेंबर रोजी नागरि ग्रामपंचायतीच्या वतीने ग्रामसभा घेण्यात आली. तर २८ डिसेंबर रोजी नागरिकांना ग्रामसभेत संदर्भात सूचना दिल्याचा आरोप निवेदनातून केला आहे. ग्रामसभा घेण्याची सूचना तीन दिवस आधी देणे बंधनकारक आहे. ग्रामसभा घेऊन देशी दारू दुकान सुरू करण्याचा ठराव ग्रामसभेमध्ये घेण्यात आला. त्यामधील अनेक महिलांच्या स्वाक्षऱ्या बनावट असल्याचा आरोप ही निवेदनातून करण्यात आला आहे तीस वर्षांपूर्वी नागरी गावातील देशी दारूचे दुकान नागरिकांनी बंद केले होते. असे असतानाही परत देशी दारू दुकान करिता परवानगी देण्यात येत असल्याने आश्चर्य व्यक्त केले जात आहे. नागरी येथे नवीन देशी दारू दुकान सुरू होऊ देणार नाही असा निर्धार महिलांनी व्यक्त केला पूर्ण वेळ ग्रामविकास अधिकाऱ्याची नियुक्ती परंतु प्रभार सचिवाकडे नागरी मोठी ग्रामपंचायत असल्याने तिथे ग्रामविकास अधिकाऱ्याची नियुक्ती केली जाते. एक महिन्यापूर्वी ग्रामविकास अधिकाऱ्याची नियुक्ती केली परंतु त्यांच्याकडे प्रभार दिला नाही. नियुक्त ग्रामविकास अधिकारी वरोरा पंचायत समिती कार्यालयात बसून कार्यालयीन काम सांभाळत असल्याचे समजते ग्राम विकास अधिकाऱ्याची नियुक्ती होऊ नही प्रभारी सचिवाकडे कारभार दिला. त्यातच ग्रामसभा घेतली त्यावेळी पंचायत समितीचे वरिष्ठ अधिकारी हजर नव्हते आणि देशी दारू दुकान सुरू करण्याकरिता ठराव घेण्यात आला. अशा सगळ्या घडामोडी मध्ये अर्थपूर्ण व्यवहार झाल्याची शंका वर्तविली जात आहे.