Petrol Price
रानभाज्यांच्या स्वादासोबत आरोग्याचा संदेश
- बल्लारपूर येथे रानभाजी महोत्सव; पारंपरिक आणि पौष्टिक आहाराकडे वळण्याचे आवाहन
विदर्भ न्यूज एक्सप्रेस
तालुका प्रतिनिधी / बल्लारपूर : पावसाळ्याच्या दिवसांत निसर्गाच्या सान्निध्यात सहज उपलब्ध होणाऱ्या रानभाज्यांचे पोषणमूल्य आणि आरोग्यविषयक महत्त्व नागरिकांपर्यंत पोहोचविण्यासाठी बल्लारपूर येथे रानभाजी महोत्सवाचे आयोजन करण्यात आले. महाराष्ट्र शासनाच्या कृषी विभाग आणि कृषी तंत्रज्ञान व्यवस्थापन यंत्रणा (आत्मा), चंद्रपूर यांच्या वतीने मंगळवारी, २५ रोजी तालुका कृषी अधिकारी कार्यालयात हा महोत्सव घेण्यात आला. या उपक्रमाला नागरिक तसेच शेतकरीवर्गाचा चांगला प्रतिसाद मिळाला.
पावसाळा सुरू होताच ग्रामीण आणि वन परिसरात विविध प्रकारच्या रानभाज्या नैसर्गिकरीत्या उगवतात. या भाज्या पारंपरिक आहाराचा महत्त्वाचा भाग राहिल्या आहेत. मात्र, बदलत्या जीवनशैलीमुळे आणि फास्टफूडच्या वाढत्या आकर्षणामुळे अनेक पारंपरिक खाद्यपदार्थ हळूहळू आहारातून दूर होत आहेत. ही पार्श्वभूमी लक्षात घेऊन रानभाज्यांची ओळख, त्यांचे पोषणमूल्य आणि आहारातील महत्त्व याबाबत जनजागृती करण्यासाठी या महोत्सवाचे आयोजन करण्यात आले.
महोत्सवाचे उद्घाटन तालुका शेतकरी सल्लागार समितीचे अध्यक्ष अनिल मोरे यांच्या हस्ते करण्यात आले. यावेळी तालुका कृषी अधिकारी आकाश पवार, शेतकरी सल्लागार समितीचे सदस्य तसेच कृषी विभागातील अधिकारी व कर्मचारी उपस्थित होते. कार्यक्रमाचे प्रास्ताविक आकाश पवार यांनी केले.यावेळी मार्गदर्शन करताना पावसाळ्यात परिसरात सहज उपलब्ध होणाऱ्या विविध रानभाज्या पौष्टिक असून त्यामध्ये शरीरासाठी उपयुक्त असणारे विविध पोषक घटक आढळतात, अशी माहिती देण्यात आली.
स्थानिक पातळीवर उपलब्ध होणाऱ्या नैसर्गिक अन्नपदार्थांचा योग्य पद्धतीने वापर केल्यास पारंपरिक आहारपद्धतीला चालना मिळण्यासोबतच नागरिकांमध्ये आरोग्याबाबतची जागरूकताही वाढू शकते, असे उपस्थितांना सांगण्यात आले.
अजय तोटावर यांनी महोत्सवात विविध रानभाज्यांची ओळख करून दिली. रानभाज्यांची वैशिष्ट्ये, त्यांचा पारंपरिक वापर आणि आहारातील उपयोग याबाबत त्यांनी उपस्थितांना माहिती दिली. परिसरात उपलब्ध असलेल्या रानभाज्यांकडे दुर्लक्ष न करता त्यांचा योग्य प्रकारे उपयोग करण्याची गरज त्यांनी अधोरेखित केली. विशेषत नव्या पिढीला या पारंपरिक भाज्यांची ओळख करून देणे आवश्यक असल्याचेही यावेळी सांगण्यात आले.
दरम्यान, जंकफूड आणि प्रक्रिया केलेल्या खाद्यपदार्थांचा वाढता वापर आरोग्यासाठी चिंतेचा विषय ठरत असताना स्थानिक आणि नैसर्गिक अन्नपदार्थांना प्राधान्य देण्याचे आवाहन करण्यात आले. अनिल मोरे यांनी बाहेरील जंकफूडपेक्षा आपल्या परिसरात नैसर्गिकरीत्या उपलब्ध होणाऱ्या आरोग्यदायी रानभाज्यांचा आहारात अधिकाधिक समावेश करावा, असे आवाहन केले. रानभाज्या ही केवळ पारंपरिक खाद्यसंस्कृतीची ओळख नसून स्थानिक जैवविविधतेशी जोडलेली नैसर्गिक संपत्ती असल्याचे त्यांनी नमूद केले.
या महोत्सवामुळे नागरिकांना विविध रानभाज्यांची माहिती मिळण्यासोबतच त्यांच्या आहारातील उपयोगाबाबतही मार्गदर्शन मिळाले. बदलत्या आहारपद्धतीच्या काळात स्थानिक, पारंपरिक आणि नैसर्गिक खाद्यपदार्थांचे महत्त्व अधोरेखित करणारा हा उपक्रम ठरला. रानभाज्यांचे महत्त्व पुढील पिढीपर्यंत पोहोचविणे, पारंपरिक खाद्यसंस्कृतीचे जतन करणे आणि नागरिकांमध्ये आरोग्यदायी आहाराबाबत जागृती निर्माण करणे, या दृष्टीने रानभाजी महोत्सव उपयुक्त ठरला.
, चंद्रपूर यांच्या वतीने मंगळवारी, २५ रोजी तालुका कृषी अधिकारी कार्यालयात हा महोत्सव घेण्यात आला. या उपक्रमाला नागरिक तसेच शेतकरीवर्गाचा चांगला प्रतिसाद मिळाला.पावसाळा सुरू होताच ग्रामीण आणि वन परिसरात विविध प्रकारच्या रानभाज्या नैसर्गिकरीत्या उगवतात. या भाज्या पारंपरिक आहाराचा महत्त्वाचा भाग राहिल्या आहेत. मात्र, बदलत्या जीवनशैलीमुळे आणि फास्टफूडच्या वाढत्या आकर्षणामुळे अनेक पारंपरिक खाद्यपदार्थ हळूहळू आहारातून दूर होत आहेत. ही पार्श्वभूमी लक्षात घेऊन रानभाज्यांची ओळख, त्यांचे पोषणमूल्य आणि आहारातील महत्त्व याबाबत जनजागृती करण्यासाठी या महोत्सवाचे आयोजन करण्यात आले.महोत्सवाचे उद्घाटन तालुका शेतकरी सल्लागार समितीचे अध्यक्ष अनिल मोरे यांच्या हस्ते करण्यात आले. यावेळी तालुका कृषी अधिकारी आकाश पवार, शेतकरी सल्लागार समितीचे सदस्य तसेच कृषी विभागातील अधिकारी व कर्मचारी उपस्थित होते. कार्यक्रमाचे प्रास्ताविक आकाश पवार यांनी केले.यावेळी मार्गदर्शन करताना पावसाळ्यात परिसरात सहज उपलब्ध होणाऱ्या विविध रानभाज्या पौष्टिक असून त्यामध्ये शरीरासाठी उपयुक्त असणारे विविध पोषक घटक आढळतात, अशी माहिती देण्यात आली.स्थानिक पातळीवर उपलब्ध होणाऱ्या नैसर्गिक अन्नपदार्थांचा योग्य पद्धतीने वापर केल्यास पारंपरिक आहारपद्धतीला चालना मिळण्यासोबतच नागरिकांमध्ये आरोग्याबाबतची जागरूकताही वाढू शकते, असे उपस्थितांना सांगण्यात आले.अजय तोटावर यांनी महोत्सवात विविध रानभाज्यांची ओळख करून दिली. रानभाज्यांची वैशिष्ट्ये, त्यांचा पारंपरिक वापर आणि आहारातील उपयोग याबाबत त्यांनी उपस्थितांना माहिती दिली. परिसरात उपलब्ध असलेल्या रानभाज्यांकडे दुर्लक्ष न करता त्यांचा योग्य प्रकारे उपयोग करण्याची गरज त्यांनी अधोरेखित केली. विशेषत नव्या पिढीला या पारंपरिक भाज्यांची ओळख करून देणे आवश्यक असल्याचेही यावेळी सांगण्यात आले.दरम्यान, जंकफूड आणि प्रक्रिया केलेल्या खाद्यपदार्थांचा वाढता वापर आरोग्यासाठी चिंतेचा विषय ठरत असताना स्थानिक आणि नैसर्गिक अन्नपदार्थांना प्राधान्य देण्याचे आवाहन करण्यात आले. अनिल मोरे यांनी बाहेरील जंकफूडपेक्षा आपल्या परिसरात नैसर्गिकरीत्या उपलब्ध होणाऱ्या आरोग्यदायी रानभाज्यांचा आहारात अधिकाधिक समावेश करावा, असे आवाहन केले. रानभाज्या ही केवळ पारंपरिक खाद्यसंस्कृतीची ओळख नसून स्थानिक जैवविविधतेशी जोडलेली नैसर्गिक संपत्ती असल्याचे त्यांनी नमूद केले.या महोत्सवामुळे नागरिकांना विविध रानभाज्यांची माहिती मिळण्यासोबतच त्यांच्या आहारातील उपयोगाबाबतही मार्गदर्शन मिळाले. बदलत्या आहारपद्धतीच्या काळात स्थानिक, पारंपरिक आणि नैसर्गिक खाद्यपदार्थांचे महत्त्व अधोरेखित करणारा हा उपक्रम ठरला. रानभाज्यांचे महत्त्व पुढील पिढीपर्यंत पोहोचविणे, पारंपरिक खाद्यसंस्कृतीचे जतन करणे आणि नागरिकांमध्ये आरोग्यदायी आहाराबाबत जागृती निर्माण करणे, या दृष्टीने रानभाजी महोत्सव उपयुक्त ठरला.)
