महत्वाच्या बातम्या

 जुन्या वादातून ट्रक चालकावर हल्ला : लाकडी दांडक्याने व लोखंडी वस्तूने मारहाण


विदर्भ न्यूज एक्सप्रेस 
तालुका प्रतिनिधी / बल्लारपूर : जुन्या वादाचा राग मनात धरून चार जणांनी एका ट्रक चालकावर लाकडी दांडक्याने आणि लोखंडी वस्तूने हल्ला केल्याची घटना १८ नोव्हेंबर रोजी दुपारी १.३० वाजताच्या सुमारास बल्लारपूर येथील तीन एक्का गेट परिसरात घडली. या हल्ल्यात ट्रक चालकाच्या डोक्याला, हाताला आणि पायाला दुखापत झाली.

राजा मुन्नु सिंग ३५ वर्ष, रा. गोकुळ नगर वार्ड, कलामंदिर चौक, बल्लारपूर असे जखमी ट्रक चालकाचे नाव आहे. या प्रकरणात गुड्डू , आकाश घुगलोत, सन्नी सिंग आणि प्रविण गोपकर यांच्याविरुद्ध बल्लारपूर पोलिसांनी भारतीय न्याय संहिता कलम ११८(१), ३(५) अंतर्गत गुन्हा दाखल केला आहे.प्राप्त माहितीनुसार, चार-पाच महिन्यांपूर्वी आरोपींनी राजा सिंग यांच्या पत्नीला शिवीगाळ करून धमकी दिली होती. त्यावेळी राजा सिंग यांनी आरोपींना जाब विचारला होता. याच कारणावरून आरोपी त्यांच्या विरोधात राग धरून होते.

१८ नोव्हेंबर रोजी दुपारी ट्रक मालकाने कामानिमित्त राजा सिंग यांना तीन एक्का गेट परिसरात बोलावले होते. मात्र, मालक घटनास्थळी न आल्याने त्यांनी फोनवरून दुपारी २ वाजता हैदराबादला निघायचे असल्याचे सांगितले. त्यानंतर राजा सिंग हे सुवर्णा बानोत यांच्या पानठेल्यासमोरून स्कुटीने घरी जाण्यासाठी निघाले असता, मागून आलेल्या गुड्डू याने त्यांच्या डोक्यावर लाकडी दांडक्याने वार केला. त्यामुळे ते स्कुटीसह दारूभट्टीसमोर कोसळले. यानंतर इतर तिघांनीही काठी आणि लोखंडी वस्तूने त्यांच्या डोक्यावर, डाव्या हातावर व डाव्या पायावर मारहाण केली.

हल्ल्यानंतर राजा सिंग यांनी डायल ११२ वर फोन करून पोलिसांना माहिती दिली. पोलिसांना संपर्क केल्याचे समजताच आरोपी घटनास्थळावरून पसार झाले. जखमी अवस्थेत त्यांनी पत्नीला फोन करून घटनास्थळी बोलावले आणि तिच्यासोबत बल्लारपूर पोलीस ठाणे गाठले. या प्रकरणाचा पुढील तपास पोलीस हवालदार संदेश वाघमारे आणि पोलीस अंमलदार अंकुश बुरांडे करीत आहेत.





  Print






Related Photos