Petrol Price
ट्रकच्या भीषण धडकेत दुचाकीवरील दोघांचा मृत्यू : तिसरा गंभीर
विदर्भ न्यूज एक्सप्रेस
प्रतिनिधी / चंद्रपूर : घुग्घुस-चंद्रपूर मार्गावरील शेनगावजवळील सपरा पेट्रोलपंप परिसरात शुक्रवारी (६ नोव्हेंबर) पहाटे भीषण अपघात घडला. भरधाव ट्रकने दुचाकीला जोरदार धडक दिल्याने दुचाकीवरील दोन तरुणांचा घटनास्थळीच मृत्यू झाला, तर तिसरा तरुण गंभीर जखमी झाला. या घटनेमुळे परिसरात हळहळ व्यक्त होत आहे. अपघातानंतर ट्रकचालक वाहनासह घटनास्थळावरून पसार झाला. पोलिसांनी चालकाची ओळख पटवून त्याच्याविरुद्ध गुन्हा नोंदविण्याची प्रक्रिया सुरू केली आहे.
प्राप्त माहितीनुसार, गडचिरोली जिल्ह्यातील कोरची तालुक्यातील बोतेकसा येथील जयदीप श्रीराम हलामी आणि तनेश्वर कुमारसाय नांग हे गोपाल बुधाराम नैताम याच्यासोबत एमएच ३३ एजे ९९६९ क्रमांकाच्या दुचाकीने घुग्घुसवरून चंद्रपूरकडे जात होते. शुक्रवारी पहाटे सुमारे ५.४२ वाजताच्या सुमारास शेनगाव येथील सपरा पेट्रोलपंपाजवळ समोरून येणाऱ्या ट्रकने त्यांच्या दुचाकीला जोरदार धडक दिली. धडक इतकी भीषण होती की जयदीप हलामी आणि तनेश्वर नांग यांचा घटनास्थळीच मृत्यू झाला.
या अपघातात गोपाल बुधाराम नैताम हा गंभीर जखमी झाला. तो छत्तीसगड राज्यातील मानपूर परिसरातील अंबागड चौकी येथील रहिवासी आहे. त्याला तातडीने चंद्रपूर येथील शासकीय रुग्णालयात दाखल करण्यात आले असून, त्याची प्रकृती चिंताजनक असल्याचे सांगण्यात येत आहे.
अपघातानंतर ट्रकचालक वाहनासह पसार झाला. पोलिसांच्या तपासात चालकाची ओळख धर्मेंद्र उमराव प्रजापती (३७), रा. एकडला, ता. खागा, जि. फतेहपूर (उत्तर प्रदेश) अशी पटली आहे. या प्रकरणी पोलिसांकडून पुढील तपास व कायदेशीर कारवाई सुरू आहे.
दरम्यान, घुग्घुस-चंद्रपूर मार्गावर लोह खनिज करीता गेल्या काही महिन्यांपासून कंपनीकडून पाईप टाकण्याचे काम सुरू आहे. या कामामुळे अनेक ठिकाणी वाहतूक एकेरी करण्यात आली आहे. मात्र, कामाच्या ठिकाणी पुरेसे दिशादर्शक फलक, अडथळे, धोक्याचे सूचना फलक तसेच वाहतूक नियंत्रित करण्यासाठी कर्मचाऱ्यांची व्यवस्था नसल्याने नागरिकांमध्ये संताप व्यक्त होत आहे.
रस्त्यावरील बांधकाम सुरू असताना वाहनचालकांच्या सुरक्षिततेसाठी आवश्यक उपाययोजना का करण्यात आल्या नाहीत, असा सवाल उपस्थित होत आहे. दोन तरुणांचा मृत्यू आणि तिसऱ्या तरुणाची मृत्यूशी सुरू असलेली झुंज या पार्श्वभूमीवर संबंधित यंत्रणांनी आता तरी जागे होऊन या मार्गावरील वाहतूक सुरक्षेचे उपाय तातडीने करावेत, अशी मागणी नागरिकांकडून होत आहे.
 पहाटे भीषण अपघात घडला. भरधाव ट्रकने दुचाकीला जोरदार धडक दिल्याने दुचाकीवरील दोन तरुणांचा घटनास्थळीच मृत्यू झाला, तर तिसरा तरुण गंभीर जखमी झाला. या घटनेमुळे परिसरात हळहळ व्यक्त होत आहे. अपघातानंतर ट्रकचालक वाहनासह घटनास्थळावरून पसार झाला. पोलिसांनी चालकाची ओळख पटवून त्याच्याविरुद्ध गुन्हा नोंदविण्याची प्रक्रिया सुरू केली आहे.प्राप्त माहितीनुसार, गडचिरोली जिल्ह्यातील कोरची तालुक्यातील बोतेकसा येथील जयदीप श्रीराम हलामी आणि तनेश्वर कुमारसाय नांग हे गोपाल बुधाराम नैताम याच्यासोबत एमएच ३३ एजे ९९६९ क्रमांकाच्या दुचाकीने घुग्घुसवरून चंद्रपूरकडे जात होते. शुक्रवारी पहाटे सुमारे ५.४२ वाजताच्या सुमारास शेनगाव येथील सपरा पेट्रोलपंपाजवळ समोरून येणाऱ्या ट्रकने त्यांच्या दुचाकीला जोरदार धडक दिली. धडक इतकी भीषण होती की जयदीप हलामी आणि तनेश्वर नांग यांचा घटनास्थळीच मृत्यू झाला.या अपघातात गोपाल बुधाराम नैताम हा गंभीर जखमी झाला. तो छत्तीसगड राज्यातील मानपूर परिसरातील अंबागड चौकी येथील रहिवासी आहे. त्याला तातडीने चंद्रपूर येथील शासकीय रुग्णालयात दाखल करण्यात आले असून, त्याची प्रकृती चिंताजनक असल्याचे सांगण्यात येत आहे.अपघातानंतर ट्रकचालक वाहनासह पसार झाला. पोलिसांच्या तपासात चालकाची ओळख धर्मेंद्र उमराव प्रजापती (३७), रा. एकडला, ता. खागा, जि. फतेहपूर (उत्तर प्रदेश) अशी पटली आहे. या प्रकरणी पोलिसांकडून पुढील तपास व कायदेशीर कारवाई सुरू आहे.दरम्यान, घुग्घुस-चंद्रपूर मार्गावर लोह खनिज करीता गेल्या काही महिन्यांपासून कंपनीकडून पाईप टाकण्याचे काम सुरू आहे. या कामामुळे अनेक ठिकाणी वाहतूक एकेरी करण्यात आली आहे. मात्र, कामाच्या ठिकाणी पुरेसे दिशादर्शक फलक, अडथळे, धोक्याचे सूचना फलक तसेच वाहतूक नियंत्रित करण्यासाठी कर्मचाऱ्यांची व्यवस्था नसल्याने नागरिकांमध्ये संताप व्यक्त होत आहे.रस्त्यावरील बांधकाम सुरू असताना वाहनचालकांच्या सुरक्षिततेसाठी आवश्यक उपाययोजना का करण्यात आल्या नाहीत, असा सवाल उपस्थित होत आहे. दोन तरुणांचा मृत्यू आणि तिसऱ्या तरुणाची मृत्यूशी सुरू असलेली झुंज या पार्श्वभूमीवर संबंधित यंत्रणांनी आता तरी जागे होऊन या मार्गावरील वाहतूक सुरक्षेचे उपाय तातडीने करावेत, अशी मागणी नागरिकांकडून होत आहे.)
