महत्वाच्या बातम्या

विभागस्तरीय रायफल शूटिंग स्पर्धेत गोंडवाना सैनिकी विद्यालयाचे सुयश

विदर्भ न्यूज एक्सप्रेस
प्रतिनिधी / गडचिरोली : महाराष्ट्र राज्य क्रीडा व युवक सेवा संचालनालय यांच्या वतीने नागपूर येथे नुकतेच विभागस्तरीय रायफल शूटिंग स्पर्धेचे आयोजन करण्यात आले होते. गोंडवाना सैनिकी विद्यालयाच्या शुटर ने अचूक नेम साधून यश प्राप्त केले आहे. नुकत्याच झालेल्या अंडर १९ विभागस्तरीय १० मीटर रायफल शूटिंग स्पर्धेचे आयोजन नागपूर येथे करण्यात आले होते. गोंडवाना सैनिकी विद्यालयाचा शुटर यथार्थ पटले याने एकूण १११ पॉईंट स्कोर करीत अचूक नेम साधून यश प्राप्त केले आहे. त्याची निवड राज्य स्तरीय रायफल शुटिंग स्पर्धेकरिता झालेली आहे. या विजेत्याला विद्यालयाचे सैनिकी निदेशक ऋषी वंजारी व नामदेव प्रधान यांचे मार्गदर्शन लाभले आहे. त्याच्या या यशाकरिता संस्थेचे अध्यक्षा भाग्यश्री आत्राम ( हलगेकर ) विद्यालयाचे प्राचार्य संजीव गोसावी, उपप्राचार्य ओमप्रकाश संग्रामे पर्यवेक्षक अजय वानखेडे शिक्षक शिक्षकेत्तर कर्मचारी यांनी अभिनंदन केले. व राज्यस्तरीय स्पर्धेकरिता शुभेच्छा दिल्या आहेत.