Petrol Price
गडचिरोली पोलीस दलाची मोठी धडक कारवाई : एटापल्लीत तब्बल २७ लाख ७० हजारांचा अवैध दारूसाठा जप्त
- पोलीस पथकाकडून सापळा रचत ६ जणांना अटक
- दोन स्कॉर्पिओ गाड्यांसह कोट्यवधींचा मुद्देमाल हस्तगत
विदर्भ न्यूज एक्सप्रेस
प्रतिनिधी / गडचिरोली : जिल्ह्यात दारूबंदी असतानाही मोठ्या प्रमाणावर सुरू असलेल्या अवैध दारू तस्करीला गडचिरोली पोलिसांनी जोरदार तडाखा दिला आहे. पोलीस स्टेशन एटापल्लीच्या पथकाने सापळा रचून तब्बल २७ लाख ७० हजार रुपयांचा अवैध देशी-विदेशी दारूसाठा, दोन स्कॉर्पिओ वाहने आणि मोबाईल जप्त केले आहेत. या कारवाईत पोलिसांनी ६ जणांना जेरबंद केले असून, एकूण ९ जणांविरोधात गंभीर गुन्हे दाखल करण्यात आले आहेत.
गडचिरोली जिल्ह्यात अवैध दारूविक्री करणाऱ्यांवर कठोर कायदेशीर कारवाई करण्याचे आदेश पोलीस अधीक्षक एम. रमेश यांनी दिले आहेत. दरम्यान, २९ ऑक्टोबर २०२६ रोजी एटापल्ली पोलीस पथक रात्रगस्त करत असताना, जीवनगट्टा गावात दोन संशयित वाहनांमधून दारू उतरवली जात असल्याची गोपनीय माहिती मिळाली. या माहितीच्या आधारे पोलिसांनी जीवनगट्टा ते बारसेवाडा रोडवर सापळा रचला. काही वेळातच एक पांढऱ्या आणि पाठोपाठ एक काळ्या रंगाची स्कॉर्पिओ गाडी तेथे आली. पांढऱ्या स्कॉर्पिओमधून दारूच्या पेट्या काळ्या रंगाच्या स्कॉर्पिओमध्ये भरल्या जात असतानाच पोलिसांची वाहने तिथे पोहोचली.
आरोपींनी वाहनांसह पळून जाण्याचा प्रयत्न केला, परंतु पोलिसांनी दोन्ही बाजूंनी रस्ते बंद करत शिताफीने ६ जणांना ताब्यात घेतले. अंधाराचा फायदा घेऊन मात्र काही इसम घटनास्थळावरून पसार झाले. चौकशीदरम्यान आरोपींनी ६० पेटी अवैध दारू आणल्याचे कबूल केले. त्यापैकी २९ पेट्या जीवनगट्टा येथील संतोष नरोटे याच्या घरी लपवून ठेवल्याचे उघडकीस आले. पोलिसांनी पंचासमक्ष दोन स्कॉर्पिओ गाड्या, संतोष नरोटेचे घर आणि आरोपींची अंगझडती घेतली.
असता खालीलप्रमाणे मुद्देमाल जप्त करण्यात आला:
रॉकेट देशी दारू (संत्री): २२ बॉक्स (२,२०,००० रुपये)
प्रिमियम नं. १ कोकण देशी दारू: १८ बॉक्स (१,८०,००० रुपये)
पांढरी स्कॉर्पिओ (क्र. MH 31 CDC 6816): किंमत अंदाजे ८,००,००० रुपये
काळी स्कॉर्पिओ (क्र. CG 05 AQ 1326): किंमत अंदाजे १५,००,००० रुपये
७ मोबाईल फोन: किंमत ७०,००० रुपये
एकूण जप्त मुद्देमाल: २७,७०,००० रुपये.
अटक करण्यात आलेल्या आरोपींमध्ये आकाश प्रशांत मुजुमदार (रा. एटापल्ली), अफसर शेख हुसेन (रा. नागपूर), प्रशांत बजरंग आंबटकर (रा. वर्धा), पंकज शामल बारई (रा. जांबिया गट्टा), तुषार मिहीर रॉय आणि सुरत सत्यजित मंडल (दोघे रा. पाखंजूर, छ.ग., ह.मु. गडचिरोली) यांचा समावेश आहे. हे आरोपी सराईत गुन्हेगार असून त्यांच्यावर यापूर्वीही गुन्हे दाखल आहेत. पोलीस स्टेशन एटापल्ली येथे त्यांच्याविरुद्ध भारतीय न्याय संहितेच्या कलम ११२ (२) सह महाराष्ट्र दारूबंदी कायद्याच्या विविध कलमांन्वये गुन्हा नोंदविण्यात आला आहे. पोलीस उपनिरीक्षक चंद्रकांत लांबट पुढील तपास करत असून, फरार झालेले संतोष नरोटे, गौरव प्रभाकर माकोडे आणि मिथुन निर्मल मलिक यांचा शोध सुरू आहे.
सदरची धडक कारवाई पोलीस अधीक्षक एम. रमेश, अपर पोलीस अधीक्षक (अभियान) कार्तिक मधिरा, अपर पोलीस अधीक्षक गोकुल राज जी. आणि उपविभागीय पोलीस अधिकारी संतोष बरगे यांच्या मार्गदर्शनाखाली, एटापल्लीचे प्रभारी अधिकारी पोनि. मचिंद्र नागरगोजे, पोउपनि. चंद्रकांत लांबट व पोलीस पथकाने यशस्वीरीत्या पार पाडली.
: २२ बॉक्स (२,२०,००० रुपये)प्रिमियम नं. १ कोकण देशी दारू: १८ बॉक्स (१,८०,००० रुपये)पांढरी स्कॉर्पिओ (क्र. MH 31 CDC 6816): किंमत अंदाजे ८,००,००० रुपयेकाळी स्कॉर्पिओ (क्र. CG 05 AQ 1326): किंमत अंदाजे १५,००,००० रुपये७ मोबाईल फोन: किंमत ७०,००० रुपयेएकूण जप्त मुद्देमाल: २७,७०,००० रुपये.अटक करण्यात आलेल्या आरोपींमध्ये आकाश प्रशांत मुजुमदार (रा. एटापल्ली), अफसर शेख हुसेन (रा. नागपूर), प्रशांत बजरंग आंबटकर (रा. वर्धा), पंकज शामल बारई (रा. जांबिया गट्टा), तुषार मिहीर रॉय आणि सुरत सत्यजित मंडल (दोघे रा. पाखंजूर, छ.ग., ह.मु. गडचिरोली) यांचा समावेश आहे. हे आरोपी सराईत गुन्हेगार असून त्यांच्यावर यापूर्वीही गुन्हे दाखल आहेत. पोलीस स्टेशन एटापल्ली येथे त्यांच्याविरुद्ध भारतीय न्याय संहितेच्या कलम ११२ (२) सह महाराष्ट्र दारूबंदी कायद्याच्या विविध कलमांन्वये गुन्हा नोंदविण्यात आला आहे. पोलीस उपनिरीक्षक चंद्रकांत लांबट पुढील तपास करत असून, फरार झालेले संतोष नरोटे, गौरव प्रभाकर माकोडे आणि मिथुन निर्मल मलिक यांचा शोध सुरू आहे.सदरची धडक कारवाई पोलीस अधीक्षक एम. रमेश, अपर पोलीस अधीक्षक (अभियान) कार्तिक मधिरा, अपर पोलीस अधीक्षक गोकुल राज जी. आणि उपविभागीय पोलीस अधिकारी संतोष बरगे यांच्या मार्गदर्शनाखाली, एटापल्लीचे प्रभारी अधिकारी पोनि. मचिंद्र नागरगोजे, पोउपनि. चंद्रकांत लांबट व पोलीस पथकाने यशस्वीरीत्या पार पाडली.)
