महत्वाच्या बातम्या

भारताचे संविधान या मल्टिमिडीया छायाचित्र प्रदर्शनाला भेट

- खासदार तडस, आमदार डॉ. भोयर, मुख्य कार्यकारी अधिकारी घुगे

विदर्भ न्यूज एक्सप्रेस
प्रतिनिधी / वर्धा : माहिती व प्रसारण मंत्रालयाच्या केंद्रीय संचार ब्यूरो, क्षेत्रीय कार्यालय व सामाजिक न्याय विभागाच्यातीने सामाजिक न्याय भवनाच्या परिसरात आयोजित केलेल्या भारताचे संविधान या विषयावरील मल्टिमिडीया छायाचित्र प्रदर्शनाला आज खासदार रामदास तडस व आमदार डॉ. पंकज भोयर, जिल्हा परिषदेचे मुख्य कार्यकारी अधिकारी रोहण घुगे यांनी भेट दिली.
यावेळी क्षेत्रीय प्रचार अधिकारी हंसराज राऊत यांच्या हस्ते खासदार रामदास तडस व आमदार डॉ. पंकज भोयर आणि जिल्हा परिषदेचे मुख्य कार्यकारी अधिकारी रोहण घुगे यांना संविधानाचे पुस्तक व सन्मानचिन्ह देऊन सत्कार करण्यात आला. यावेळी सामाजिक न्याय विभागाचे सहाय्यक आयुक्त प्रसाद कुलकर्णी, सहायक प्रचार अधिकारी संजय तिवारी उपस्थित होते.
यावेळी खासदार रामदास तडस व आमदार डॉ. पंकज भोयर, मुख्य कार्यकारी अधिकारी रोहण घुगे यांनी प्रदर्शनाची पाहणी करून सरकारने लावलेल्या प्रदर्शनाचे कौतुक केले. तसेच संविधानाची माहिती नागरीक व विद्यार्थ्यांपर्यंत पोहचविण्यासाठी अशा प्रकारचे प्रदर्शन वर्धा जिल्ह्यात नेहमी लावण्यात यावे, तसेच विविध शासकीय योजनांचे प्रदर्शन लावून जनतेला सरकारच्या विविध योजनांची माहिती करून द्यावी, अशी सूचना केली.