नागरिकत्व सुधारणा विधेयक गृहमंत्री अमित शहां यांनी लोकसभेत केले सादर


विदर्भ न्यूज एक्सप्रेस 
वृत्तसंस्था / नवी दिल्ली :
बहुचर्चित नागरिकत्व सुधारणा विधेयक आज लोकसभेत मांडण्यात आलं. मात्र हे विधेयक मांडण्यावरून सत्ताधारी आणि विरोधकांमध्ये जोरदार खडांजगी झाली. अखेर या विधेयकाच्या चर्चेसाठी मतदान घेण्यात आलं. चर्चेच्या बाजूनं २९३ मतं पडली तर विरोधात ८२ मतं पडली. हे विधेयक अल्पसंख्याकविरोधी असल्याचा आरोप काँग्रेसनं केला. घटनेच्या मूळ तत्त्वाविरोधातच हे विधेयक असल्याचा आरोप काँग्रेस नेते अधीररंजन चौधरी यांनी केला. मात्र या विधेयकात मुस्लिमांचा उल्लेखच नसल्याचा दावा केंद्रीय गृहमंत्री अमति शाह यांनी केला. 
नागरिकत्व सुधारणा विधेयक आज गृहमंत्री अमित शहा यांनी संसदेत मांडलं. या विधेयकात धर्माच्या आधारावर सुधारणा करण्याचा निर्णय मोदी सरकारने घेतल्याचा आरोप काँग्रेसने केला आहे. तसंच राष्ट्रवादीनेही या विधेयकाला विरोध केला आहे. मात्र राज्यातल्या सत्तेत भागीदारी असलेल्या शिवसेनेनं मात्र पाठिंबा दिला आहे. 
केंद्रीय गृहमंत्री अमित शाह यांनी आज लोकसभेत नागरिकत्व सुधारणा विधेयक सादर केलं. त्यानंतर विरोधकांनी प्रचंड गोंधळ घालत विधेयकाला विरोध केला. नागरिकत्व सुधारणा कायदा अल्पसंख्याकविरोधात असल्याचा विरोधकांचा आरोप काँग्रेस नेते अधीररंजन चौधरी यांनी केला. विधेयक घटनेच्या मूळ तत्त्वाविरोधात असल्याचा आरोप काँग्रेसनं केला. तर प्रत्येक आक्षेपाला उत्तर देणार, प्रत्येक शंकेचं निरंसन करू मात्र त्यावेळी सभात्याग करू नका असं केंद्रीय गृहमंत्री अमित शाह यांनी म्हटलं आहे.



  Print






News - World | Posted : 2019-12-09






Related Photos