मुलचेरा तालुक्यातील अनेक गावांमध्ये माजी राज्यमंत्री राजे अम्ब्रिशराव आत्राम यांच्या नेतृत्वात कॉर्नर सभा संपन्न
- पुन्हा एकदा कमळ फुलवा आणि पंतप्रधान नरेंद्र मोदीजी चे हात बळकट करा : माजी राज्यमंत्री राजे अम्ब्रिशराव महाराज
- विजयाचा संकल्प करा व कमळ या चिन्हावर बटन दाबुन विजयी करा : खा.नेते
विदर्भ न्यूज एक्सप्रेस
तालुका प्रतिनिधी / मुलचेरा : मुलचेरा तालुक्यातील चिचेला, आंबटपल्ली, गटा, विश्वनाथनर, विजयनगर, कालीनगर, गांधीनगर, मलेझरी, अडपल्ली येथे माजी राज्यमंत्री राजे अमब्रिशराव महाराज यांच्या नेतृत्वाखाली कॉर्नर सभा संपन्न झाली.
कॉर्नर सभेला संबोधित करताना माजी राज्यमंत्री अमब्रिशराव महाराज म्हणाले देशाला पुढे नेण्यासाठी, देशाच्या प्रगतीसाठी, देशाला सुजलाम्, सुफलाम् करण्यासाठी तिसऱ्यांदा पुन्हा एकदा पंतप्रधान नरेंद्र मोदीजी चे हात बळकट करण्यासाठी पुन्हा एकदा खा.नेते यांना निवडून देणे गरजेचे आहे. यासाठी पुन्हा एकदा कमळ फुलवा व प्रचंड बहुमताने विजयी करा. असे आवाहन माजी राज्यमंत्री राजे अम्ब्रिशराव महाराज यांनी केले.
तर चिचेला व आंबटपल्ली या ठिकाणी कॉर्नर सभा स्थळी खासदार अशोक नेते यांनी कॉर्नर सभेला बोलतांना म्हटले देशात विकासाची दुष्टी ठेवून, देशाच्या प्रगतीसाठी देशाचे पंतप्रधान नरेंद्र मोदीजी यांनी दहा वर्षाच्या कार्यकाळात अनेक योजना व ऐतिहासिक निर्णयाचा पार्श्वभूमीवर व प्रधानमंत्री यांच्या कार्यकर्तृत्वावर जागतिक विकासाकडे भारताची वाटचाल आहे. त्यामुळे मला पुन्हा एकदा सेवा करण्याची संधी द्यावी ही विनंती करण्यासाठी मी आपल्या पर्यंत आलो. अब की बार चार सौ पार करत येणाऱ्या १९ तारखेला कमळ या बोध चिन्हावर मतदान करून प्रचंड बहुमताने विजयी करावे. असे प्रतिपादन खा.नेते यांनी केले.
याप्रसंगी मूलचेरा तालुक्यातील प्रमुख पदाधिकारी, व कार्यकर्ते, गावकरी मोठ्या संख्येने उपस्थित होते.
News - Gadchiroli