महत्वाच्या बातम्या

४८ तासांमध्ये मद्यविक्री करण्यास मनाई : आदेश जाहीर

विदर्भ न्यूज एक्सप्रेस

प्रतिनिधी / भंडारा : भंडारा-गोंदिया लोकसभा मतदान संघामध्ये 19 एप्रिल 2024 रोजी निवडणुक घेण्यात येणार आहे. तसेच 4 जून 2024 रोजी मतमोजणी होणार आहे. ही निवडणुक खुल्या, मुक्त व निर्भय वातावरणात पार पाडण्यासाठी 17 एप्रिल 2024 रोजी सायंकाळी 6 वाजेवासून ते 19 एप्रिल 2024 पर्यंत पुर्ण दिवस व 4 जून 2024 रोजी मतमोजणीच्या दिवशी पुर्ण दिवस भंडारा जिल्ह्यातील ठोक व किरकोळ देशी/विदेशी मद्यविक्री करण्यास मनाई/कोरडा दिवस ठेवण्याचे आदेश जिल्हाधिकारी योगेश कुंभेजकर यांनी जारी केले आहे.

भंडारा गोंदिया लोकसभा संघामध्ये 19 एप्रिल 2024 ला निवडणूक पार पडत आहे. तर 4 जून रोजी मतमोजणी होणार आहे. सदर निवडणूक खुल्या व मुक्त व निर्भय वातावरणात पार पाडण्यासाठी मतदान प्रक्रिया संपण्याच्या वेळेपूर्वीच्या 48 तासांमध्ये मद्यविक्री करण्यास मनाई / कोरडा दिवसा जाहीर करण्याबाबत लोकप्रतिनिधीत्व अधिनियम, 1951 च्या कलम 135 (सी) अन्वये तरतूद करण्यात आली आहे. भंडारा जिल्ह्यातील ठोक व किरकोळ देशी / विदेशी मद्यविक्री अनुज्ञप्त्या 17 एप्रिल 2024 ला सायंकाळी 6 वाजता पासून पुढे, मतदानाच्या पूर्वीचा दिवस 18 एप्रिल आणि 19 एप्रिल मतदानाचा पूर्ण बंद तसेच 4 जून मतमोजणीच्या दिवशी मद्यविक्री/कोरडा दिवस पाळण्याचे आदेश देण्यात आले आहेत. या आदेशाचे उल्लंघन करून मद्यविक्री करताना आढळून आल्यास संबंधितावर कठोर कारवाई करण्यात येईल, असा इशारा जिल्हाधिकारी योगेश कुंभेजकर यांनी दिले आहे.