अस्वलांच्या हल्ल्यात जखमी झालेल्या शेतकऱ्याचा अखेर मृत्यू


विदर्भ न्यूज एक्सप्रेस
तालुका प्रतिनिधी / भामरागड :
बैल चारण्यासाठी जंगल परिसरात जात असलेल्या शेतकऱ्यावर दोन अस्वलांनी हल्ला केला होता. या हल्ल्यात शेतकरी गंभीर जखमी झाला होता. शेतकऱ्याला उपचारार्थ गडचिरोली येथे हलवीत असताना वाटेतच त्याचा मृत्यू झाला आहे. 
मासु कोमटी तिम्मा रा. लष्कर ता. भामरागड असे मृतक  शेतकऱ्याचे नाव आहे. मासू तिम्मा हे  आज २ सप्टेंबर रोजी सकाळी ८ वाजताच्या सुमारास बैल चारण्यासाठी जात असताना त्यांच्यावर दोन अस्वलांनी हल्ला केला. त्यांचे पोट फाटल्यामुळे चक्क आतडे बाहेर आले. तसेच पायावर, चेहऱ्यावर तसेच शरीराच्या अनेक भागांवर अस्वलांनी ओरबाडले . कसाबसा जीव वाचवून मासु तिम्मा यांनी गावाकडे धाव घेतली. यानंतर त्यांना भामरागड येथील ग्रामीण रूग्णालयात दाखल करण्यात आले. या ठिकाणी डाॅ. वानखेडे यांनी प्राथमिक उपचार केला. प्रकृती धोकादायक असल्यामुळे पुढील उपचारासाठी त्यांना अहेरी येथील उपजिल्हा रूग्णालयात हलविण्यात आले . यानंतर त्यांना गडचिरोली येथे हलविण्यात येत असताना वाटेतच त्यांचा मृत्यू झाला आहे. 

 



  Print






News - Gadchiroli | Posted : 2019-09-02






Related Photos