ठाणेगाव परिसर सापडले समस्यांच्या विळख्यात


विदर्भ न्यूज एक्सप्रेस
मिथुन धोडरे  / आरमोरी :
तालुक्यातील ठाणेगाव व परिसरातील डोंगरगाव, वासाळा, वनकी, चामोर्शी, देऊळगाव, इंजेवारी, डोंगरसावंगी इत्यादी गावे पाच ते दहा किलोमिटर अंतरावर आहेत.  परंतु या परिसरकडे लोकप्रतिनीधींचे दुर्लक्ष, शासकीय  कर्मचारी, अधिकाऱ्यांची उदारसिनता व लोकसहभागाचा अभाव यामूळे हा  परिसरात समस्यांचा विळख्यात सापडला  असल्याचे चित्र दिसत आहे.
ठाणेगाव परिसराभोवती नदी, नाले, तलाव आहेत.  परंतु कुठलीच सिंचनाची सोय नसल्याने शेतकऱ्यांना निसर्गाच्या पाण्यावरच अवलंबुन राहावे लागते. कधी ओला तर कधाी कोरड्या दुष्काळाचा सामना शेतकऱ्यांना करावा लागतो. तलाव आहेत पंरतु त्यांचे खोलीकरण झाले नसल्याने पाणी साठवून ठेवण्याची क्षमता कमी आहे. परिणामी तलाव, बोडया लवकरच कोरड्या पडतात.  या परिसरात कोणत्याच विभागाचे कर्मचारी मुख्यालयी राहत नसल्याने ग्रामविकासात अडथळा निर्माण होत असते. शाळेतील मुलांच्या शिक्षणावरही त्याचा परिणाम पडतो.
या परिसरात मोठ्या प्रमाणत अवैध धद्यांनाही उत आले आहे. गावागावामध्ये मोठया प्रमाणात खुलेआम दारूविक्री सुरु आहे. तसेच  सट्टापट्टी घेतली जाते. परिणामी गावांमध्ये भांडण , तंट्यांचे प्रमाण वाढून शांतता भंग पावल्याचे  चित्र दिसते . अनेक युवक दारूची विक्री करतात . त्याचबरोबर अनेक युवक दारूच्या आहारी जात आहेत.  याकडे पोलीस विभागाचे दुर्लक्ष झाले आहे.
या परिसरातील विजपुरवठा वारंवार  खंडीत होत असतो. रात्री अपरात्री विनाकारण विज खंडीत होत असते. एकदा खंडीत झालेला विजपुरवठा कित्येक तास येत नाही. विज विभागाच्या वरिष्ठ अधिकाऱ्यांनी याकडे लक्ष देण्याची गरज आहे. महावितरणकडे या बाबीची तक्रार करूनही याची दखल घेतली जात नाही.
या परिसरात आरमोरीला उच्च शिक्षणाची सोय आहे. अनेक युवक उच्च शिक्षण घेत आहेत.   परंतु तालुक्यात कोणतेच मोठे उद्योगधंदे नसल्याने सुशिक्षित बेरोजगारांची मोठी फौज निर्माण झाली आहे. रोजगाराआभावी अनेक सुशिक्षित नागपूर, पुणे सारख्या मोठया शहरात कंपन्यामध्ये काम करण्यासाठी जातात.
त्याचबरोबर आरमोरीला शिक्षण घ्यायला जाणाऱ्या विद्यार्थ्यांसाठी जाण्या - येण्यासाठी फक्त एकाच वेळेस बस येत असल्याने  एकदा बस सुटली की कित्येक वेळा विद्यार्थ्यांना ताटकळत राहावे लागते. यामुळे  जादा बसेस सोडण्याची मागणी होत आहे.  ठाणेगाव - वासाळा  - वैरागड पर्यंत बसची सुविधा नसल्याने खासगी वाहनातुन प्रवास करावा लागतो. 
या परिसरातील काही गावांमध्ये ग्रामस्वच्छता योजनेचा धुव्वा उडाल्याचे दिसते. परिसरातील गावांमध्ये ग्रामस्वच्छता अभियान यशस्वीपणे राबवितांना दिसुन येत नाही.   त्यामुळे ग्रामस्वच्छता व हागणदारीमुक्त गाव ही योजना काही गावांमध्ये कागदोपत्रीच राबवित असल्याचे निर्देशनास येते.
या परिसरात कित्येक दिवसांपासून गावातील नाल्यांमध्ये डांस प्रतिबंध औषधांची फवारणी झाली नाही. त्यामुळे मोठ्या प्रमाणात डासांची उत्पती वाढली आहे. रात्रीला विज नसली तर झोप येणे कठीण झाले आहे. डासांमुळे विविध प्रकारची  रोगराई होण्याची शक्यता बळावली आहे. या परिसरातील गावांचा ३० ते ३५ किलोमिटरवर असलेल्या वडधा येथील प्राथमिक आरोग्य केंद्रामध्ये समावेश करण्यात आला आहे. एखाद्या गंभीर रूग्णास वेळेवर उपचार करणे शक्य होत नाही.  
या परिसरातील ठाणेगाव येथे पौराणिक हेमांडपंथी शिवमंदिर आहे परंतु पुरातत्व विभागाच्या दुर्लक्षीतपणामुळे दुर्लक्ष झालेले आहे. मंदिरामध्ये नागरीक पुजाअर्चा व साफसफाई करतात, महाशिवरात्रीला या ठिकाणी दोन दिवसीय भव्य यात्रा भरते.
अशा अनेक समस्यांनी ठाणेगाव परिसर त्रस्त झालेला आहे. या गंभीर बाबीकडे प्रशासनाने तसेच लोकप्रतिनिधींनी लक्ष देऊन विकासासाठी प्रयत्न करण्याची गरज असुण नागरीकांनीही सहकार्य करणे आवश्यक आहे.  



  Print






News - Gadchiroli | Posted : 2019-08-16






Related Photos