महत्वाच्या बातम्या

आंतर विद्यापीठ बॉक्सिंग स्पर्धेकरीता महिला संघ घोषित

विदर्भ न्यूज एक्सप्रेस
वृत्तसंस्था / अमरावती : महर्षि दयानंद विद्यापीठ, रोहतक येथे २६ डिसेंबर २०२२ ते १ जानेवारी २०२३ दरम्यान होणा-या अखिल भारतीय आंतर विद्यापीठ बॉक्सिंग स्पर्धेकरीता संत गाडगे बाबा अमरावती विद्यापीठाचा महिला संघ घोषित झाला असून या खेळाडूंचे प्रशिक्षण शिबीर क्रीडा प्रबोधिनी, शास्त्रीनगर, अकोला येथे १२ ते २१ डिसेंबर २०२२ दरम्यान होणार आहे.
खेळाडूंमध्ये श्री शिवाजी कला, वाणिज्य व विज्ञान महाविद्यालय, अकोलाची कु. दीक्षा गवई, कु. दिव्या बचेे व कु. साक्षी गायधनी, पी.जी.टी.डी. शारीरिक शिक्षण, संत गाडगे बाबा अमरावती विद्यापीठाची कु. पूजा रहाटे, डिग्री कॉलेज ऑफ फिजिकल एज्युकेशन, अमरावतीची कु. दिव्या तायडे, नथमल गोयंका विधी महाविद्यालय, अकोलाची कु. दीक्षा गोलाईत, श्री गाडगे महाराज महाविद्यालय, मूर्तिजापूरची कु. पुनम कैथवास, बी.एस.पटेल कला व वाणिज्य महाविद्यालय, पिंपळगाव काळेची कु. तेजस्विनी पाखरे, श्रीमती एस.आर.मोहता महिला महाविद्यालय, खामगावची कु. मुस्कान तडवी, अभियांत्रिकी व तंत्रशिक्षण महाविद्यालय, अकोलाची कु. विधी रावल, गुलाम नबी आझाद महाविद्यालय, बार्शी टाकळीची कु. दिव्यानी जंजाळ, श्री एल.आर.टी. महाविद्यालय, अकोलाची कु. प्रियांका खंडारे हिचा समावेश आहे.
सर्व खेळाडूंनी प्रशिक्षण शिबिराला उपस्थित रहावे, असे आवाहन क्रीडा व शारीरिक शिक्षण विभागाचे संचालक डॉ. अविनाश असनारे यांनी विद्यापीठाच्यावतीने केले आहे.