महत्वाच्या बातम्या

दगडाने ठेचून वृद्ध इसमाचा खून : अज्ञात आरोपीचा शोध सुरू

- शेगाव पोलिसाची कारवाई सुरू

विदर्भ न्यूज एक्सप्रेस

वृत्तसंस्था / बुलढाणा : स्थानिक शेगाव बू येथून जवळच असलेल्या चारगाव बू येथे आज सकाळ च्या सुमारास एक अज्ञात इसमाचा मृतदेह चारगाव ते वायगाव मार्गावरील एक झुडपाआड आढळला .तेव्हा याची माहिती स्थानिक पोलीस स्टेशन शेगाव बु. येथील ठाणेदार अविनाश मेश्राम यांना दिली असता. आपले पोलीस पथक घटनस्थळी दाखल करून पंचनामा करण्यास सुरुवात केली . याची माहिती उपविभागीय पोलिस अधिकारी वरोरा आयुष नोपानी यांना दिली असता सर्व प्रकरणाची सखोल चौकशी करून तपास केला असता अज्ञात मृतक याची ओळख पटली असून सदाशिव महाकुडकर राहणार भेंडाळा अंदाजे वय 55 वर्ष येथील असल्याचे समजले.

मृतक सदाशिव हा वायगाव भो. येथे एका संबंधित नातलगाच्या घरी गेला होता दरम्यान माझी कोर्ट कचेरीची तारीख आहे असे सांगून तो घरा बाहेर निघाला. असल्याचे नागरिकांनी सांगितले. दरम्यान 10 रोज गुरुवारच्या रात्री या मृतक इसमावर हल्ला बोल करून दगडाने ठेचून जागीच ठार केले.

सदर ही घटना 11 तारखेला सकाळ च्या सुमारास ही घटना उघडकीस आली. मृतक सदाशिव ला दारूचे व्यसन देखील होते. दरम्यान त्यांच्या जवळ पाचशे रुपयेचा बंडल होता अशी गावात चर्चा आहे. तेव्हा पैशामुळे याचा खून झाला असावा असा अंदाज व्यक्त केला जात आहे. तर मृतकाच्या डोक्यावर व नरडी जवळ दगडाने वार करून जागीच ठार केले. विशेष म्हणजे हा खून की घातपात आहे. याचा अधिक उलघडा करण्या करिता श्वान पथक चंद्रपूर चे पथक दाखल करण्यात आहे होते तेव्हा श्वान पथक यांनी घटना स्थळाची सखोल चौकशी केली परंतु आरोपीचा शोध लागला नव्हता. तेव्हा याचा अधिक तपास उप विभागीय पोलीस अधिकारी वरोरा आयुष नोपाणी यांच्या मार्गदर्शनाखाली शेगाव बू चे ठाणेदार अविनाश मेश्राम यांच्या नेतृत्वाखाली प्रवीण जाधव पीएसआय, महादेव सरोदे पीएसआय, विठ्ठल वैद्य, राकेश तुरानकर, मदन येरणे, पूर्शोतम दातारकर आदी पोलीस शिपाई पुढील तपास करीत आहे.