महत्वाच्या बातम्या

आगामी निवडणुकांमध्ये बूथ पालकांचे योगदान खूप महत्त्वाचे : भाजपा जिल्हाध्यक्ष प्रशांत वाघरे यांचे प्रतिपादन

- अहेरी विधानसभा क्षेत्र बूथ पालक बैठक आल्लापल्ली येथे संपन्न.

विदर्भ न्यूज एक्सप्रेस

प्रतिनिधी / गडचिरोली : अहेरी विधानसभा क्षेत्राची बूथ पालक शक्ती केंद्रप्रमुख व बूथ प्रमुख बैठक जिल्हाध्यक्ष प्रशांत वाघरे यांच्या अध्यक्षतेखाली व बूथ वॉरियर्स प्रमुख मार्गदर्शक वीरेंद्र अंजनकर याच्या प्रमुख उपस्थितीत संपन्न झाली.

बैठकीला ओबीसी मोर्चा प्रदेश उपाध्यक्ष तथा लोकसभा विस्तारक बाबुराव कोहळे, महाराष्ट्र प्रदेश कार्यकारणी सदस्य रवीजी ओल्लारवार, जिल्हा महामंत्री प्रकाश गेडाम, आदिवासी मोर्चा जिल्हाध्यक्ष संदीप कोरेत, जिल्हा उपाध्यक्ष प्रकाश दत्ता, दामोदर आरगेला, जिल्हा सचिव विजय नल्लावार, बाबुराव गंपावर आदिवासी मोर्चा जिल्हा महामंत्री दामोदर नरोटे, वसंत डूरके, मच्छीमार आघाडी जिल्हाध्यक्ष मोहन मदने, अहेरी तालुकाध्यक्ष विनोद आकंपल्लीवार, भामरागड तालुका अध्यक्ष सुनील बिश्र्वास, एटापल्ली तालुका अध्यक्ष निखिल गादेवार, मुलचेरा तालुकाध्यक्ष संजीव सरकार, जिल्हा कार्यकारणी सदस्य रहिमा सिद्दीकी व अहेरी विधानसभा क्षेत्राचे बूथ पालक शक्ती केंद्रप्रमुख व बूथ प्रमुख मोठ्या संख्येने उपस्थित होते.

केंद्रात सरकार व राज्य सरकारच्या जनकल्याणकारी योजना, सामान्य जनतेसाठी केलेले कामे, घर घर चलो अभियानांतर्गत बुथांच्या माध्यमातून जनतेपर्यंत पोहोचवण्याचे काम बुथ पालक, शक्ती केंद्रप्रमुख व बुथ प्रमुख करीत आहे.

आगामी लोकसभा, विधानसभा जिल्हा परिषद व पंचायत समिती निवडणुकांमध्ये बूथ पालकांचे शक्ती केंद्रप्रमुखांचे व बूथ प्रमुखांचे योगदान खूप महत्त्वाचे असणार आहेत, असे प्रतिपादन जिल्हाध्यक्ष प्रशांत वाघरे यांनी बोलताना केले.

मंडळ स्तरीय पक्ष व मोर्चाच्या कार्यकर्त्यांमधून कमकुवत बूथचे प्रभारी तयार करणे, मागील लोकसभा, विधानसभा निवडणुकांमधील मतांचे बुथश: विश्लेषण करणे, ABCD च्या आधारे बूथ चे वर्गीकरण करून बूथवर राहणाऱ्या पक्ष सदस्यांनी संपर्क साधून त्यांना कामात जोडणे, मतदार यादीचे विश्लेषण करून व नवीन मतदार तयार करने, पक्षाकडून वार्षिक राबवणारे सहा कार्यक्रम प्रत्येक बूथ स्तरावर आयोजन करणे. बुथवर लाभार्थ्यांची यादी तयार करणे व त्यांच्याशी संपर्क साधून लाभार्थ्यांची संपर्क साधून लहान लहान व्हिडिओ तयार करून ते सोशल मीडियावर अपलोड करावे.

बूथ टिफीन बैठक दर महिन्याच्या शेवटच्या रविवारी प्रत्येक बूथ वर होणे अनिवार्य. प्रत्येक पदाधिकाऱ्याने राज्य ते मंडल कार्यकारिणी सदस्य (मोर्चा- आघाड्यांसहित) लोकप्रतिनिधीने आपल्या कार्यक्षेत्रातील स्वतःचा बूथ तसेच शक्तीकेंद्रातील बूथमध्ये निश्चित कार्यक्रम करावयाचा आहे. बैठकीत बूथ सशक्तीकरण, घर घर संपर्क, नव मतदार नोंदणी आणि बोगस मतदार कमी करणे, भाजपा मतदार वाढीसाठी विविध उपक्रम तसेच पक्षाचे सामाजिक कार्यक्रम, बूथवर करावयाची विविध २३ कामे याचा आढावा व पुढील महिन्याचे नियोजन करावे, असे आवाहन जिल्हाध्यक्ष प्रशांत वाघरे यांनी बूथ पालकांना केले.